Youtube-канал

Telegram-канал

Что искать?

Последние новости….

Календарь

икона «Святой Великомученик Димитрий Солунский»

 

Для быстрого перехода до интересующего вас элемента воспользуйтесь ссылками….. 

Немного истории….

Молитвы:   ….1   ….2  

Тропари:   ….1    

Кондаки:   ….1  

Величание:   ….1 

Акафист:   ….1.

 

 

          Святой великомученик Димитрий родился в городе Селуни (славянское название города Фессалоники, ныне именуемого Салоники). Род его славянского происхождения – это бесспорно установлено трудами епископа Филарета (статья «святой великомученик Димитрий и солунские славяне» в журнале «Чтения общество истории и древностей российских», за 1848 год №6). Заметим, что в г. Солуне и его окрестностях славяне жили на протяжении многих веков. Напутствуя святых Кирилла и Мефодия на проповедь Святого Евангелия в землях славянских, император Михаил III (855-867 гг.) сказал: – «Вы ведь Силуяне, а силуяне все чисто говорят по-словянски».

          Отец Димитрия был проконсулом Фессалонской области в то время, когда нечестивые императоры Диоклетиан (284-305 гг.) и Максимиан (зять и соправитель Диоклетиана в восточной половине Римской империи, а затем его приемник с 305 года) воздвигли на христиан жестокие гонения. Тайно веруя (очаг христианства в Солуне зажег апостол Павел, который проповедовал в городе и окрестностях во время 2-го и 3-го миссионерских путешествий) в Господа нашего Иисуса Христа и исполняя его заповеди. Родители воспитали единственного сына Димитрия в вере Христовой, военными и административными способностями который превзошел отца. После его кончины император назначил юношу проконсулом Фессалоникийской области. Поручая ему эту должность, император сказал: – «Береги свой родной город и очисти его от христиан, предавай смерти каждого, кто произнесет имя Распятого». Вернувшись домой, Димитрий не жалел сил и денег на обустройство города, укреплению оборонительных стен, защите сельских жителей от набегов варваров. Но главное повеление императора уничтожать христиан он не только не выполнил, но и поступил совершенно наоборот. Димитрий стал открыто исповедовать и прославлять Господа нашего Иисуса Христа, поучать людей Святому Евангелию, обращать язычников в истинную веру. Христианской общине он дал такие же права, коими пользовались язычники. Узнывши об этом, император, возвращаясь с войны из Причерноморья с большим отрядом войск, прибыл в Салонники.  При встрече Димитрий не убоялся императорского гнева и объявил себя христианином, порицая языческое многобожие императора и его свиты. Максимиан приказал бросить его в темницу, подвергать пыткам и мучениям до тех пор, пока он не отречется от Христа. По приказу императора в городе ежедневно устраивали кровавые игрища, на которых воины и гладиаторы бессчетно убивали христиан. В числе невинно убиенных был Нестор, друг и сподвижник Димитрия. Видя, что физические муки и страдания не только не сломили волю Димитрия, но и укрепили его веру и дух, праведника проткнули копьем, когда он молился.

          Мученическая кончина Димитрия Солунского произошла 26 октября 306 года. Хоронил Димитрия его верный слуга Лупп (день его памяти соединен с днем памяти святого великомученика Димитрия Солунского и отмечается 26 октября по церковному календарю и 8 ноября по новому стилю). Он снял с пальца святого Димитрия перстень, взял ризу своего господина, обаграненную кровью, смочил в ней перстень. От этой ризы и перстня совершилось множество чудес, слух о которых привлек к Луппе множество людей. Узнав об этом, император приказал отрубить Луппе голову. Так святой мученик Луппа последовал за своим господином, святым Димитрием, в Обители Небесные.

          Когда гонения на христиан прекратились, над гробом святого Димитрия построили небольшую церковь, в которой совершалось много чудес и исцелений от всяких недугов и болезней. Один из знатных вельмож по имени Леонтий, будучи внесен в церковь и положенный на место погребения святого Димитрия, получил полное исцеление. В благодарность за избавление от смертельного недуга Леонтий решил построить на месте церквушки величественный храм. Церковь разобрали, а когда копали ров для фундамента, были обретены мощи святого великомученика Димитрия совершенно целыми и нетленными. Из них истекало благовонное миро, да так, что весь город наполнился благоуханием, потому и великомученик Димитрий Солунский получил церковное наименование Мироточивый.  Леонтий воздвиг на этом месте прекрасный храм во имя Димитрия Солунского. В нем, в ковчеге, окованном золотом и серебром, от тех времен и доныне почивают его иощи.

          Одним из самых дивных чудотворений, которым Бог благоволил прославить Своего великого угодника, было истечение миро от его честных мощей. Это истечение – знамение благодати Божией. Целый ряд писателей и историков свидетельствуют об этом непостижимом явлении. Приведем свидетельство Димитрия Хризолога, писателя, жившего во второй половине XIV века: – «Оно (то есть миро) по свойству своему не вода, но гуще ее и не походит ни на одно из приготовленных искусственно, но и по естеству созданных Богом».  Много исцелений произошло через помазание этим миром; даже народы, не верующие во Христа, дорожили этим дивным истечением. Так при разорении Солунии турками в 1429 году наиболее благоразумные из врагов намеревались взять с собой некоторое количество миро, о целебной силе которого они так много слышали.

          В житии святого Димитрия подробно рассказывается о том, как приходил он на помощь страждущим христианам. В облике огненного сияющего всадника на белом коне с мечом в руках появлялся на поле битвы христиан с язычниками. В белой одежде становился в ряды горожан солунцев, отбывающих приступ мусульман. Освобождал из плена у неверных священнослужителей. Поучал заблудших, наказывал святотатцев.

          Множество чудес совершил святой великомученик Димитрий Солунский и в нашем отечестве. По предуказанию Божьему в самых древних русских летописях имя его упомянуто прежде, чем имена других святых. Преподобный Нестор, летописец, рассказывает, что русские воины еще до принятия христианства почитали своим покровителем святого Димитрия. Об особом его почитании свидетельствует такой знаменательный факт: первыми собственными сочинениями на славянском языке святых равноапостольных Мефодия и Кирилла, после создания ими славянской азбуки, был «Какон Димитрию Солунскому».  Сербы и болгары с древнейших времен чтят великомученика Димитрия как покровителя славян, называя его «отечестволюбцем», связывая это с его славянским происхождением, а в русских былинах, сказаниях он предстает русским.

          Церковное почитание святого Димитрия в Русской Церкви началось сразу после Крещения Руси.  В начале 70-х годов XI века основан Димитриевский монастырь в Киеве, известный впоследствии как Михайлов-Златоверхий монастырь. В XII веке воздвигнут Димитриевский собор во Владимире, который и доныне является украшением города. В 80-х годах XIII века святой благоверный князь Даниил Московский воздвиг храм во имя святого великомученика Димитрия (первый каменный храм Московского Кремля). Позже, в 1326 году, при князе Иоанне Калите он был разобран, а на его месте построен Успенский собор (Кафедральный Собор Русской Патриархии) с приделом Димитрия Солунского. В 1197 году была перенесена из Солуни во Владимир великим князем Всеволодом Юрьевичем икона Святого Великомученика Димитрия, написанная на его гробовой доске. Эта чудотворная икона сначала находилась в Киеве, потом во Владимире, а накануне Куликовской битвы в 1380 году была перенесена в Москву и поставлена в Успенском Соборе. Ныне эта чудотворная икона находится в Третьяковской галерее. Изображение святого Димитрия сохранилось на столпе Успенского собора во Владимире, написанное преподобным Андреем Рублевым.

          В древней Руси день великомученика Димитрия Солунского был в числе больших праздников: службу совершал сам Патриарх в присутствии государя. Память святого всегда связывалась на Руси с воинским подвигом, защитой царя, отечества, православия.

          Святой изображался на иконах в воинских доспехах с копьем и мечом в руках (при капитальном ремонте древнего храма святого Димитрия в Салониках открыты мозаики времен постройки храма. На них более десяти изображений Димитрия Солунского: во весь рост, в доспехах, с мечом). На свитке писали молитву, с которой святой Димитрий обращался к Богу о спасении родного города: – «Господи, не погуби град и людей. Если град спасешь и людей – с ними и я спасен буду, если погубишь – с ними и я погибну». После победы в Куликовской битве в память о русских войнах, павших в сражении, была установлена для всеобщего поминовения Димитриевская родительская суббота. В первый раз эта панихида была совершена в Троице-Сергиевом монастыре 20 октября 1380 года преподобным Сергием Радонежским в присутствии святого благоверного князя Дмитрия Донского.

          Святому великомученику Димитрию Солунскому молятся о прозрении очей, о покровительстве православным воинам, о защите от нашествия иноплеменных и иноверных.

 

Молитва перед иконой «Святой Великомученик Димитрий Солунский»

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни.

Моли благость Его, еже ущедрити град сей, обитель сию (или храм сей) и всякую страну христианскую.

Исходатайствуй у Царя Царствующих на враги победу и одоление, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом.

Аминь.

 

Молитва перед иконой «Святой Великомученик Димитрий Солунский»

Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни.

Моли благость Его, еже ущедрити приход (или дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Аминь.

 

Тропарь перед иконой «Святой Великомученик Димитрий Солунский»

глас 3
Велика обрете в бедах/ тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора:/ тако святе Димитрие,/ Христу Богу молися,// даровати нам велию милость.

 

Кондак перед иконой «Святой Великомученик Димитрий Солунский»

глас 2
Кровей твоих струями, Димитрие,/ Церковь Бог обагри,/ даруяй тебе крепость непобедимую/ и соблюдаяй град твой невредим,// того бо еси утверждение.

 

Величание

Величаем тя, страстотерпче святый Димитрие, и чтим честная страдания твоя, яже за Христа претерпел еси.

 

Акафист перед иконой «Святой Великомученик Димитрий Солунский»

Кондак 1
Дивный воеводо града Солуня, великий угодниче Христов и славный страстотерпче, святый Димитрие, источаяй мирови милости миро, похвальная восписуем ти, чтущии святую память твою. Ты же имеяй дерзновение ко Господу, от всяких бед избавляй нас, верно зовущих ти: Радуйся, святый Димитрие, славный великомучениче и чудотворче.

 

Икос 1
Ангелов Творец и Господь сил яви тя, досточудне, Ангела во плоти, мученика тверда и сильнаго предстателя верных. Прибегающе убо к заступлению твоему, сицевая радостная тебе приносим: Радуйся, звездо блистающая на тверди церковней; радуйся, светильниче, чудесы мир озаряяй. Радуйся веры непоколебимый столпе; радуйся, христиан несокрушимый щите. Радуйся, Фессалии светлое украшение; радуйся, Солуня похвало преславная. Радуйся, апостолов согражданине; радуйся, мучеников совсельниче. Радуйся, молящихся к тебе прошения приемляй; радуйся, о всех нас Богу моляйся. Радуйся, святый Димитрие, славный великомучениче и чудотворче.

 

Кондак 2
Видяще себе безчадна, благочестивая родителя твоя прилежно моляста Бога о даровании чада. Прием же Всевышний молитвы ею, и помянув милостыни, яже творяста убогим, дарова им тебе, блаженне. Сего ради с веселием возописта Богу: Аллилуиа.

 

Икос 2
Разум Божественный имея, яко отроча богодарованное, возгнушался еси языческия прелести, мудре. Родительское же благочестие возлюбль, добродетельми аки лествицею от силы в силу восходяй, благодать Божию приобрел еси, юже испроси получити и нам, почитающим тя звании сими: Радуйся, благочестивым родителем молитвенное прозябение; радуйся, благочестия их наследниче; радуйся, рождением своим возвеселивый многих. Радуйся, от утробы матерния благодатию свыше осененный; радуйся, благоуханный крине девства и нетления. Радуйся, освещенный душею же и телом; радуйся, вместилище дарований Божиих. Радуйся от юности идолослужение презревый; радуйся, истинное богопочитание, даже до смерти возлюбивый. Радуйся, яко благочестием твоим угодил еси Христу. Радуйся, яко благодатию Его мног плод сотворил еси. Радуйся, святый Димитрие, славный великомучениче и чудотворче.

 

Кондак 3
Сила Вышняго сотвори тя, Димитрие, храбра во бранех, врагом страшна, всем людем именита. Темже и злочестивый царь Максимиан вручи тебе град Солунь, повелевая, яко суемудрый, гнати христианы, поющия Богу: Аллилуиа.

 

Икос 3
Имеяй благоприятную по благочестию ревность, яве пред неверными исповедал еси Христа, прехвальне, и тех веровати и поклонятся Тому научил еси, и яко вторый Павел был еси солуняном, с нимже вопием ти: Радуйся, Церкви Христовой драгий бисере; радуйся, града твоего украшение. Радуйся, божественную ревность в сердцы своем носивый; радуйся, мучителей коварства победивый. Радуйся, идольския прелести обличителю; радуйся, идольское терние посецаяй. Радуйся, благочестия учителю; радуйся, на стези спасения наставителю. Радуйся, врагом видимым и невидимым неприступне; радуйся, воине Христов непобедиме. Радуйся, святый Димитрие, славный великомучениче и чудотворче.

 

Кондак 4
Бурею одержим помышлений злобных, нечестивый царь смятеся, уведев тя, всечестне, вернаго быти раба Христова, к вере в Того приводяща и идолы низлагающа, солунян же научающа, славити Трисвятое имя Божие и пети Тому: Аллилуиа.

 

Икос 4
Слыша, яко дышащий на тя, Димитрие, яростию Максимиан грядет в Солунь, молитвою и пощении предуготовил еси себе к мучению, повелевая Луппу, верному ти рабу, вся имения твоя и богатства привременная расточити убогим. Темже восхваляюще тя с любовию зовем: Радуйся, прошения мучителева не убоявыйся; радуйся, да Христа приобрящеши, вся расточивый. Радуйся, суетную славу мира сего во уметы вменивый; радуйся, небесную славу у Христа Бога нашего получивый. Радуйся, яко состраждеши всем требующим от тебе помощи; радуйся, сущим в нуждах скорый заступниче. Радуйся, нищих обогатителю; радуйся, сирых предстателю. Радуйся, убогим помощниче; радуйся, алчущим питателю. Радуйся, святый Димитрие, славный великомучениче и чудотворче.

 

Кондак 5
Боготечней звезде уподоблься, Димитрие, дерзновенно Солнце Правды проповедал еси тьмою одержимому царю. В темнице же им заключенный, славословил еси в ней, яко в чертозе светле, Христа Бога нашего, с веселием поя Тому: Аллилуиа.

 

Икос 5
Видя добра ненавистник диавол течение, достоблаженне, скончатися имущее, завистию снедаемь, устремися на тя во образе скорпии. Ты же, поправ того, узрел еси во светлости велицей Ангела Господня, укрепляюща тя и венец райский тебе подающа, приими убо и от нас земных малый венец похвалы сицевая: Радуйся, трубо, неверным Христа Бога возвестившая; радуйся, свиреле, услаждающая слышание верным; радуйся, яко мужеством твоим небожители возвеселил еси. Радуйся, в темнице мрачней святым Ангелом утешенный; радуйся, пресветлый на небесех чертог, яко мученик, унаследовавый. Радуйся, во плоти безплотныя враги победивый; радуйся, козни их, аки паучину разоривый. Радуйся, светлый конец победы приемый; радуйся, венцем от Царя славы венчанный. Радуйся, сугубыя благодати от него сподобивыйся; радуйся, велие дерзновение к нему стяжавый. Радуйся, святый Димитрие, славный великомучениче и чудотворче.

 

Кондак 6
Проповедник злочестия Максимиан радовашеся, яко прекрепкий борец его Лий убиваше христианы. Блаженный же Нестор не терпя того безчеловечия, у тебе, мучениче, благословение испроси, и шед низверже того на копия, поя Богу: Аллилуиа.

 

Икос 6
Возсиявый в Солуне просвещение истины, святе, предпослал еси ко Господу Нестора, чрез посечение от нечестииых. Тяже и сам, повелением царевым, копиями избоден был еси за Христа, пред Нимже помяни и нас, поминающих страдания твоя и вопиющих ти: Радуйся, на Лиево низложение Нестора молитвами твоими укрепивый; радуйся, яко по умерщвлении Лия, смерть мученическую купно с Нестором приял еси. Радуйся, яко за Прободеннаго на кресте нас ради копиями избоден был еси; радуйся, со славою на небеса по смерти от Ангел провожденный. Радуйся, в немерцающем свете душею пребываяй; радуйся, с мученики и со всеми святыми ликовствуяй. Радуйся, покрове песнословящих тя; радуйся, молитвенниче о чтущих святую память твою. Радуйся, святый Димитрие, славный великомучениче и чудотворче.

 

Кондак 7
Хотя блаженный Лупп благословение от тебе, страстотерпче Христов, получити, взя по кончине твоей перстень твой и ризу кровию твоею омоченную, и многа чудеса и исцеления теми сотворив, усечен бысть во главу, да поет купно с тобою и Нестором в Троице славимому Богу: Аллилуиа.

 

Икос 7
Новый храм созидая тебе, досточудне, исцеленный тобою Леонтий, обрете в земли святыя мощи твоя, источающая миро, егоже благоухания исполнися весь град и множество болящих исцеле. Темже уврачуй и облагоухай и нас, вопиющих ти сице: Радуйся, благоухание добродетелей от юности возлюбивый; радуйся, нрав Ангельский от младенчества стяжавый. Радуйся, сосуде благодати; радуйся, храме непорочности и чистоты. Радуйся, яко Господь обитель в тебе сотвори со Отцем и Духом; радуйся, яко Той прослави мощи твоя нетлением благодати. Радуйся, благовонное миро от тех источаяй; радуйся, освящение и цельбы теми подаваяй. Радуйся, яко паче нарда и смирны благоухаеши; радуйся, яко благоуханием твоим зловоние страстей отгоняеши. Радуйся, землю и одежды твоя кровию твоею освятивый; радуйся, язвами своими наша язвы душевныя и телесныя врачуяй. Радуйся, святый Димитрие, славный великомучениче и чудотворче.

 

Кондак 8
Странное и дивное чудо сотворил еси, пречудне, возвращавшемуся восвояси храмоздателю твоему, приим бо той плащаницу от святых твоих мощей, волнующуюся и многоводную реку немокренно прейде. Темже прославляемому в тебе Богу сердцем и усты воспевайте: Аллилуиа.

 

Икос 8
Весь горя любовию и усердием к тебе, Леонтий вторый в честь твою, святе, созда храм во Иллирии, отечестве своем, и тамо, якоже и в Солуне, множество болящих и страждущих от дух нечистых, молитвами твоими исцеляшеся, и ина многа совершахуся чудеса. Имже мы, дивяшеся тебе, вопием: Радуйся, любовию прославляющим тя крепкий заступниче; радуйся, созидающим во имя твое храмы чудный покрове. Радуйся, здравия подателю; радуйся, недугов врачевателю. Радуйся, токи крови уставляяй; радуйся, епарха Марина от струпов и гноя свободивый. Радуйся, одеждою твоею, якоже Павел убрусцами, чудодействуяй; радуйся, имевшему Леонтию немокренный на реце путь показавый. Радуйся, яко повинуются тебе быстрины речныя; радуйся, яко дуси злобы бегают от призывающих имя твое. Радуйся, яко предстательством твоим и мы уповаем от наветов вражиих сохранитися; радуйся, яко заступлением твоим и мы веруем от потопа иных бед избавитися. Радуйся, святый Димитрие, славный великомучениче и чудотворче.

 

Кондак 9
Всякое естество Ангельское удивися, Димитрие святый, великаго твоего дерзновения делу. Хотящу бо Господу врагом предати Солунь, и явлением Ангельским, повелевшу ти оставити град, не оставил еси того, славне. Темже сподобивыйся ужасного видения и слышания, Иллюстрий с трепетом возглашаше: Аллилуиа.

 

Икос 9
Витии многовещанныя не возмогут разумети, как плененныя иногда девы, образ твой, святе, пленившему и их князю швением уготовавшия, внезапу восхищени быша тобою, и у гроба твоего поставлени, бдению на память твою совершающуся, благословяще убо о тебе Господа, со умилением зовем ти: Радуйся, за истину на земли, даже до крови пострадавый; радуйся, на небеси со дерзновением престолу Божию предстояй. Радуйся, благопотребная оттуду верным посылаяй; радуйся, от бед призывающия тя свобождаяй. Радуйся, яко во озлоблении сущим скоро помогаеши; радуйся, яко Господь молитвами твоими благоутробно внемлет. Радуйся, чудес неисчерпаемый кладезю; радуйся, знамений неоскудеваемый источниче. Радуйся, плененных свободителю; радуйся, варварския дерзости укротителю. Радуйся, печальным утешение посылаяй; радуйся, скорбящим радость подаваяй. Радуйся, святый Димитрие, славный великомучениче и чудотворче.

 

Кондак 10
Спасти хотя град твой от глада, являлся еси, Димитрие, во пристанищех морских и отоцех, повелевая имущим пшеницу плыти с тою в Солунь. Темже тобою от смерти избавленнии, благодарственне пояху о тебе Богу: Аллилуиа.

 

Икос 10
Стена явился еси граду твоему несокрушимая, богомудре, и необоримый защитник всем призывающим тя, зане тако благоволи о тебе небесе и земли Творец. Темже и нас научи приглашати тебе: Радуйся, милосердия великий любителю; радуйся, о бедствующих сострадательный попечителю. Радуйся, от глада верныя спасаяй; радуйся, от нашествия языков тех изымаяй. Радуйся, множицею избавивый солунян от уз работы горькия; радуйся, губительную язву и иный вред от них удаливый. Радуйся, воеводо, никимже в мужестве одолимый; радуйся, ратоборче, николиже в силе оскудевающий. Радуйся, вся на град твой устремляющияся, яко Моисей Амалика, низлагаяй; радуйся, яко Сампсон, иноплеменники прогоняяй. Радуйся, царем верным на враги одоление подаваяй. Радуйся, христолюбивым воином на брани помогаяй. Радуйся, святый Димитрие, славный великомучениче и чудотворче.

 

Кондак 11
Пение всякое побеждается, прехвальне, пред сиянием славы твоея и величием чудес. Егда бо Иустиниан царь, возжеле имети в Софийстем храме часть мощей твоих, огнь изыде от гроба твоего на посланные от него, возбраняюще прикасатися раце твоей. Темже удивленнии со страхом возопиша Богу: Аллилуиа.

 

Икос 11
Светозарную звезду, сущим во тьме неразумия, зрим тя, святе. Служащу бо у гроба твоего Онисифору тьмою святотатства держиму, двукратным явлением твоим возбранил ему похищати свещи, возжигаемыя верным мощей твоих. Сего ради со благоговением зовем ти: Радуйся, прежде мученическия кончины свято поживый; Радуйся, по кончине чудесы прославивыйся. Радуйся, яко жив во граде мощми твоими почиваеши; радуйся, яко присноживый чудеса теми содеваеши. Радуйся, яко правду милостию растворяеши; радуйся, яко огнем ревности по славе Божией гориши. Радуйся, святыя мощи твоя неприкосновенны имеяй; радуйся, касатися им дерзающия, яко молния опаляяй. Радуйся, согрешающих вразумителю; радуйся, святотатцев наказателю. Радуйся, освящение подававаяй благоговеющим к тебе усердно; радуйся, миром облагоухаяй чтущих тя верно. Радуйся, святый Димитрие, славный великомучениче и чудотворче.

 

Кондак 12
Благодать приял еси, Димитрие, целити всяк недуг и всяку язю в людех. Подаждь убо и нашим душам и телесем исцеление, да Богу, даровавшему нам тебе, помощника и врачевателя, благодарственне воспоим: Аллилуиа.

 

Икос 12
Поюще твоя чудеса, ублажаем тя, досточудне, пред нечестивыми Христа Бога дерзновенно исповедавша, прославляем мученическую кончину твою, почитаем память твою, и сицевая радостная тебе приносим: Радуйся, стопам Христа Спасителя всех ревностный последователю; радуйся, страстем его мужественный подражателю. Радуйся, с небесными силами прославляяй Бога; радуйся, с Царицею небесе и земли моляйся о мире. Радуйся, многоцелебнаго мира сподобляяй верных; радуйся, разслабленныя телом и духом исцеляяй. Радуйся, святый Димитрие, славный великомучениче и чудотворче.

 

Кондак 13
О святый великомучениче и верный угодниче Христов, Димитрие мироточиве, малое сие песнословие от нас приемше, моли Христа Бога нашего, да вселяется и благоухает в сердцах наших святыня православной веры, да умножается в житии нашем елей благих дел, да не угаснут светильники наши в полунощный час сретения Небесного Жениха, и да сподобимся вместе с тобою воспевати Ему в вечном Царствии: Аллилуиа.

(Этот кондак читается трижды, затем икос 1 и кондак 1)