app “Расписание Богослужений”

Что искать?

Архив новостей….

06 сентября 2018 г.

8 и 9 сентября состоится субботник: уборка и подготовка к учебному сезону в воскресной школе. ... Подробности в Объявлениях.


29 августа 2018 г.

1 сентября приглашаем детей и родителей в поездку в Москву на выставку исторических картин... Подробности в Объявлениях.


12 августа 2018 г.

В воскресенье, 19.08.2018г., состоится 5-й ежегодный детский велопробег до Николо-Пешношского монастыря.. Подробности в Объявлениях.


30 октября 2017 г.

В церковной лавке принимаются поминальные записки, которые вы бы хотели отправить на Святую Землю (с группой наших прихожан). Подробности в Объявлениях.


24 сентября 2017 г.

Крестный ход "Тропой Преподобного Сергия" в этом году перенесён на 30 сентября, субботу. Подробности в Объявлениях.


02 июля 2017 г.

Поддержите "Милостивое сердце" - проект Никольского храма в конкурсе губернатора МО . Подробности в Объявлениях..


03 марта 2017 г.

Планируется поездка в Псково-Печерский монастырь. Подробности в Объявлениях..


Последние новости….

Календарь

икона “Святой праведный Иоанн Кронштадтский”

 

Для быстрого перехода до интересующего вас элемента воспользуйтесь ссылками….. 

Немного истории….

Молитвы:   ….1   ….2   ….3   

Тропари:   ….1   ….2   ….3  

Кондаки:   ….1   ….2   ….3

Величание:   ….1

Акафист:   ….1   ….2.

 

          

        Родина отца Иоанна Кронштадтского – село Сура, на берегу реки Пинеги, в Архангельской области. Родился от в ночь с 18 на 19 октября 1829 года. Появился на свет настолько слабым, что его окрестили в ту же ночь.

          С малых лет Иоанн любил посещать храм, а дома часто становился на ночную молитву. Игуменья Леушинской обители Таисия, пользовавшая особым вниманием Кронштадтского пастыря, рассказывала: «Однажды ночью шестилетний Ваня увидел в комнате необычный свет, среди которого предстал ему Ангел в небесной славе. Мальчик смутился, но Ангел успокоил его, назвавшись Ангелом Хранителем, всегда стоящим близ него для сохранения и спасения от всякой напасти».

          В 1839 г. Иоанн был отдан в приходское училище. Учеба шла крайне плохо, он был последним по успеваемости. Скорбя, отрок Иоанн обратился за помощью к Богу: во время ночной молитвы он упал на колени и горячо просил вразумления. О том, что произошло дальше, мы знаем из «Автобиографии». Словно пелена спала с ума. Учеба пошла легко. В числе первых учеников он был переведен в Архангельскую Духовную Академию, затем оканчивает Санкт-Петербургскую Духовную Академию. В 1855 г. Получает назначение – священником в Андреевский Собор в Кронштадте, который был ему открыт в видении.

          Главное попечение отца Иоанна было о душах несчастных людей. Вот рассказ одного ремесленника: – «У меня была семья, двое детишек, старшему три года. Рано я женился. Работал и пьянствовал. Семья голодала. Прихожу раз не очень пьяный. Вижу, какой-то молодой батюшка сидит и на руках сынишку держит, и что-то ему говорит ласково. И ребенок серьезно слушает. Может быть грех, но мне кажется, батюшка был как Христос на картинке о благословлении детей. Я было ругаться хотел, вот мол, шляются … да глаза батюшки, и ласковые и серьезные, в одно время меня остановили. Стыдно стало. Опустил я глаза, а он смотрит, прямо в душу. Начал говорить. Не смею я передать все, что он говорил. Говорил про то, что у меня в каморке рай, потому что где дети, там всегда тепло и хорошо. И о том, что не нужно этот рай менять на чад кабака. Не винил он меня, нет, все оправдывал. Только мне было не до оправдания. Ушел он, а я сижу и молчу… Не плачу, хотя на душе так, как перед слезами. Жена смотрит. И вот с тех пор я человеком стал».

          Стараниями отца Иоанна в Кронштадте в 1882 г. Были открыты Дом трудолюбия и при нем два начальных училища, лечебница, приют для бездомных, различные мастерские, давшие неимущим заработок (например, в пеньковой мастерской работало 10 тысяч человек), народная столовая. Деятельная «любовь к бедным, страждущим и обремененным» была проявлением сущности великого духовного горения жизни отца Иоанна Кронштадтского – жизнь в Боге. Уже в начале своего священства он опытно познал благодатную, животворящую силу таинства Евхаристии. Человек, не причащающийся Тела и Крови Христова, не в силах противостоять яду греха и постепенно духовно умирает. Отец Иоанн каждый день в течение более чем полувека служения совершал Божественную литургию и приобщался Святых Таин.

          В Кронштадт к отцу Иоанну со всей страны приезжали богомольцы. Исповедовал он в иные дни по 12 часов и причащал тысячи людей в течение 3-4 часов непрерывно.

          Праведная жизнь и духовные подвиги снискали отцу Иоанну благодать творить чудеса. Первый случай, открывший людям великую силу его молитвы, относится к 1880 г. Один сановник, два года не поднимавшийся с постели, попросил Иоанна Кронштадтского помолиться о нем. Отец Иоанн помолился и сказал больному: «Встань, и помолимся вместе!» Больной встал и на другой день был совершенно здоров. Знаменитый врач профессор Боткин пригласил отца Иоанна к больной, умирающей от общего заражения крови. После молитвы святого Иоанна она встала совершенно здоровой и прожила полвека. Число чудесных исцелений не поддаются исчислению. Души и сердца людей, все их помыслы, добрые и злые для него были открытой книгой. Сам праведник объяснял дар чудотворения так: «… Я с твердым упованием и надеждою стал обращаться с мольбой у Богу об исцелении болящих и расслабленных духом и телом. Господь слышал мои, хотя недостойные, молитвы и исполнял их. Больные и расслабленные исцелялись. Это меня одобрило и укрепило. Я все чаще и чаще стал обращаться к Богу по просьбе тех или других лиц. И Господь за молитвы наши общия творил и творит доселе многие давние дела. Много чудес совершилось и совершается. В этом я вижу указание Божие за всех, просящих себе от Бога милости. Поэтому я никому не отказываю в своей молитве и для посещения больных по их просьбе езжу по всей России».  Один английский писатель о нашем Кронштадтском пастыре сказал: «Он, по-видимому, приближается в наше время к первым апостолам. Он, действительно, истинный Евангельский врач. Его необыкновенная сила телесных и душевных исцелений засвидетельствована со всех сторон лицами всех званий и положений.  Для тех, кто верует в отца Иоанна – а их бесчисленное множество – век чудес еще не миновал».

          Было у русской церкви и есть много проповедников, но ни одного из них нельзя сравнить с отцом Иоанном по силе влияния его на сердца слушателей. Слова Кронштадтского батюшки укрепляли малодушных, успокаивали колеблющихся, носили свет и надежду в измученные сердца, указывали истинный путь к Богу.

          Поразительное влияние слова отца Иоанна на души заблудшие и порочные. Пьяница, прелюбодей, вор не могли устоять перед силой его слова, перед обаянием его взгляда. Он умел находить и затрагивать самые тайные струны человеческой души, скрытые под слоем порока и кажущейся духовной окаменелостью. Скажет отец Иоанн несколько слов, кажется самых обыкновенных, которые можно услышать из уст любого священника – но от этих слов смягчается и раскрывается самая черствая душа и находит в себе силы для новой жизни.

          Проповеди его неоднократно записывали, пытались найти секрет обаяния и действенности слова праведника. Один учитель богословия сказал так: «Чтобы понять всю ценность проповеди отца Иоанна, ее надо услышать из уст его самого». Особенностью его проповедей были: глубокая вера в истинность проповедуемого учения, задушевность, теплота чувства, искренняя любовь к человеку. Слова великого пастыря шли от чистого сердца, покоились на горячей вере в Бога и вели к Богу. В голосе, который произносил эти слова, слышались бесконечная любовь и жалость ко всякой душе, страждущей и заблудшей, эта любовь отражалась в голубых глазах пастыря и передавалась собеседнику. Отец Иоанн спасал тем, что звал к новой, светлой  жизни во Христе своим личным примером. В этом сила того влияния, по которому тысячи людей меняли свой образ жизни.

          Отец бедных и утешитель скорбящих Иоанн Кронштадтский создал по всей России множество благотворительных заведений, школ,  приютов, яслей. Не обошел праведник своей заботой и Тверской край. Он и архиепископ Тверской и Кашинский Дмитрий были соучредителями и покровителями общества «Поощрения женского труда», учрежденного в Твери в 1882 году. Среди жителей Нового, Вахонино и других селений сохранились воспоминания старожилов о посещении Крестовоздвиженской Церкви святым чудотворцем Иоанном Кронштадтским. Рассказывают, что праведник прибыл в Новое на небольшом пароходе. Встречать его пришли жители сел и деревень с обоих берегов Волги, а также Горбасьева, Шоши, Завидово. Такого количества людей в Новом никогда не собиралось ни раньше, ни после. С пением псалмов батюшку провели до храма, где он соборно, со священниками церкви совершил Божественную литургию и обратился к прихожанам с проповедью, в которой сказал, что Крестовоздвиженская церковь села Нового на Волге – «будет стоять и славословить имя Божие до конца мира».

          Несмотря на всю свою необыкновенную занятость, Св. Иоанн находил, однако, время вести как бы духовный дневник, записывая ежедневно свои мсли, приходившие ему во время молитвы и созерцания, в результате «благодатного озарения души, которого удостаивался он от всепросвещающего Духа Божия» Эти мысли составили собой целую значительную книгу, изданную под заглавием: «Моя жизнь во Христе». Книга эта на вечные времена останется ярким свидетельством того, как жил наш великий праведник и как должно жить всем тем, кто должен не только называться, но и в действительности быть христианином.

          В отношении к нашей Родине – России – св. Иоанн явил собой образ грозного пророка Божия, проповедающего истину, обличающего ложь, призывающего к покаянию и предрекающего близкую кару Божию за грехи и за богоотступничество. Будучи сам образом кротости и смирения, любви к каждому человеку, независимо от национальности и вероисповедания, св. Иоанн с великим негодованием относился ко всем тем безбожным, материалистическим и вольнодумным либеральным течениям, которые подрывали веру русского народа и подкапывали тысячелетний государственный строй России.

          Провидец и чудотворец от Бога отец Иоанн Кронштадтский скончался утром 20 декабря 1908 года. Император Николай Александрович выразил всенародную скорбь в специальном рескрипте: «… угас святильник Церкви Христовой и молитвенник Земли русской, всенародно чтимый пастырь и праведник Иоанн Кронштадтский».

 

Молитва перед иконой «Святой праведный Иоанн Кронштадтский»

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал: Имя Тебе -любовь: не отвергни меня, заблуждающагося.

Имя Тебе – Сила: укрепи меня, изнемогающего и падающаго. Имя Тебе – Свет: просвяти душу мою, омраченную житейскими страстями. Имя Тебе – Мир: умири мятущуюся душу мою. Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас принести достойные плоды покаяния и не осужденно причащатися Христовых Таин.

Силою твоею веру в нас укрепи, в молитве поддержи, недуги и болезни исцели, от напастей, врагов, видимых и невидимых, избави. Светом лика твоего служителей и предстоятелей Алтаря Христова на святые подвиги пастырского делания подвигни, младенцем воспитание даруй, юное настави, старость поддержи, святыни храмов и святые обители озари! Умири, чудотворче и провидче преизряднейший, народы страны нашея, благодатию и даром Святаго Духа избави от междуусобныя брани, расточенная собери, прельщенныя обрати и совокупи Святей Соборней и Апостольской Церкви.

Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и нас на путь спасения настави. Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков.

Аминь.

 

Молитва перед иконой «Святой праведный Иоанн Кронштадтский»

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши.

Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся. Ты же, отче праведный, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

 О святче Божий, помози нам веру православную непорчно соблюсти и заповеди Божии благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Церкви нашей Святей до скончания века утвержденней быти, Отечеству же нашему мир и пребывание испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Нем же живем и движемся, и есмы, и прибудем во веки.

Аминь.

 

Молитва перед иконой «Святой праведный Иоанн Кронштадтский»

Отче Иоанне досточудне! Ты добродетельми многими к Богу приблизился еси и дарований духовных от Него сподобился еси: недуги врачевати, страсти прогоняти и скорби утоляти. Темже смиренно молим тя: подаждь недугом нашим исцеление и страстем врачевание, находящия же на нас скорби утоли и радость духовную в сердца наша всели. И помози нам подражательми быти святаго твоего жития и всех благих твоих деяний, яко да сподобимся с тобою наследия Царствия Небеснаго.

Аминь.

 

Тропарь перед иконой «Святой праведный Иоанн Кронштадтский»

глас 1
Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче. Божественных Тайн благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и церкви нашея украшение, моли Всеблагаго Бога умирити мир и спасти души наша.

 

Ин тропарь перед иконой «Святой праведный Иоанн Кронштадтский»

глас 4
Со апостолы изыде вещание твое в концы вселенныя, с исповедники страдания за Христа претерпел еси, святителем уподобился еси Слова проповеданием, с преподобными во благодати Божией просиял еси. Сего ради вознесе Господь бездну смирения твоего превыше небес, и дарова нам имя твое во источник предивных чудес. Темже во Христе во веки живый, чудотворче, любовию милуй сущия в бедах, слыши чада твоя, верою тя призывающия, Иоанне праведне, возлюбленный пастырю наш.

 

Ин тропарь перед иконой «Святой праведный Иоанн Кронштадтский»

глас 4
Российския земли пастырь добрый показался еси, в служении пресвитерстем жизнь во Христе стяжав, Богомудре отче Иоанне. Благодать изобильную от Владыки Христа приял еси: недуги отгоняти, малодушныя утешати, в Тайне Пречистаго Тела и Крови верныя со Христом соединяти. Сего ради восхваляем тя, яко молитвенника о душах наших.

 

Кондак перед иконой «Святой праведный Иоанн Кронштадтский»

глас 3
Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: ‘Созижду Церковь Мою и врата адова не одолеют ей’.

 

Ин кондак перед иконой «Святой праведный Иоанн Кронштадтский»

глас 4
От младенства Богом избранный, и во отрочестве дар учения чудесно от Него приемый, и к пресвитерству в сонном видении преславно призван быв, пастырь дивный Церкве Христовы явился еси, отче Иоанне, благодати тезоимените. Моли Христа Бога всем нам с тобою в Царствии Божием быти.

 

 

Ин кондак перед иконой «Святой праведный Иоанн Кронштадтский»

глас 6
Проповедником истины, богоносным отцем подражая, всего себе на служение Богу и ближним вдал еси, и сан священства нося, покоя не ведал еси, службы Божия в Храме присно совершая, и в домех верных молебныя пения воспевая, нуждающимся щедро благотворя, тако наименование благотворца и безсребреника стяжал еси, Иоанне. Темже и по успении твоем российския людие прославляют имя твое, и вечную память тебе возглашающе, поют Богу: Аллилуиа.

 

Величание

Величаем тя, святый праведный отче Иоанне, и чтим святую память твою, ты бо молиши за нас Христа Бога нашего.

 

Акафист перед иконой «Святой праведный Иоанн Кронштадтский»

 

Кондак 1
Избраннаго и вернаго во иереех Божиих восхваляем тя, богоносне отче Иоанне! Ты бо Евангельской Истине последуя, Христу всем сердцем сораспялся еси, струю чудес и исцелений всем верным источаеши и ко спасению их направляеши. Мы же молитвами твоими в вере, надежде и любви укрепляеми, благодарне зовем ти: Радуйся, Иоанне, земли Российския молитвенниче предивный.

 

Икос 1
Ангела молитвы и проповедника покаяния ведаем тя, блаженне отче. Ходатайствуеши бо за нас у Престола Божия, да в разум истинный приидем и жизнь свою на путь спасения направим, взывая тебе: Радуйся, благодати Божия сосуде избранный; Радуйся, Премудрость Божию, яко млеко матере, сладостно впитавый; Радуйся, Ангелу хранителю твоему, яко Товия древле, вседушевне последовавый; Радуйся, боголюбивых родителей целомудренный плод чистоты непререкаемый; Радуйся, в повиновении родителям своим благословение Божие стяжавый; Радуйся, от юности твоея водительству Духа Святаго прилежавый; Радуйся, всем сердцем твоим Бога возлюбивый; Радуйся, в меру возраста Христова Богомудренно возраставый; Радуйся, Иоанне, земли Российския молитвенниче предивный.

 

Кондак 2
Предвидя, яко многия беды и соблазны грядут на Церковь Русскую и чада Божии в смятении будут, яко пастырь добрый, душу свою за паству свою готовый положити, глаголал еси людям: “Убойтесь соблазнов, стойте в вере Православной, мужайтесь и крепитесь, и славьте Господа, взывая Ему: Аллилуиа”.

 

Икос 2
Разумом Божественным просвещаемый, богословия струи животочныя источил еси, всеблаженне отче Иоанне, в посте и молитве словеса Божия со слезами в сердца верных сея, к свету истиннаго Богопознания чад земли нашея призывал еси. Тии же, в любви Божии укрепляющеся, пояху тебе таковая: Радуйся, Евангельския Истины пламенный ревнителю; Радуйся, глаголов жизни вечныя неумолкаемый возвестителю; Радуйся, равноангельным житием твоим достойно украшенный; Радуйся, у Престола Божия о людях ходатаю верный; Радуйся, от юности Церкви Христовой всем сердцем прилепивыйся; Радуйся, Христу сораспятися о людях вседушевне возгоревыйся; Радуйся, любовию Христовою сердце твое, аки ниву благоплодную, возделавай; Радуйся, людям, в скорбех и печалех изнемогшим, состраданием и молитвою облегчение подававый; Радуйся, Иоанне, земли Российския молитвенниче предивный.

 

Кондак 3
Силою Божественныя благодати, яко углем горящим у жертвенника Божия возжжен, светильниче многосветлый во граде Кронштадте просиял еси, отцев наших похвало, отче Иоанне. Сице бо во тьме греховней обураемых и соблазном богоборчества колеблемых зарею Божественнаго разума просветил еси и научил еси пети: Аллилуиа.

 

Икос 3
Имея любовь велию людем, Кровию Сына Божия искупленным, потекл еси к неимущим благочестия, трезвения и страха Божия и отчаянием обуреваемым, пастырю добрый Иоанне, сих же кротостию и смиренномудрием покорив Христу, научил еси благодарно взывати тебе таковая: Радуйся, сущих во тьме и сени смертной премудрый просветителю; Радуйся, о спасении людей, в пучине греховней обуреваемых, благостный попечителю; Радуйся, неведущих Бога и окамененных сердцем к покаянию пробуждаяй; Радуйся, Божественною премудростию в писаниях твоих нас озаряяй; Радуйся, сердец строптивых и злонравных благостное умягчение; Радуйся, ленивых и коснеющих совестию щедролюбивое обличение; Радуйся, Слова Божия и правды Его проповедниче неустрашимый; Радуйся, Иоанне, земли Российския молитвенниче предивный.

 

Кондак 4
Бурю злонравия воздвизаему на Церковь нашу Святую ведал еси, отче Иоанне, яко верный страж дома Господня, научал еси овцы Христовы бдети и право ходити в истинней вере и в заповедях Господних непорочно пребывати, да чистым сердцем и устами непристанно взывают к Богу победную песнь: Аллилуиа.

 

Икос 4
Слышаще о тебе, яко ты еси сосуд избранный и благодатных даров преисполненный, подвигов милосердия и нищелюбия ревнитель, вдов сирот, страждущих и обремененных утешитель и о нераскаянных грешницех молитвенник слезный, не токмо от Кронштадта, но и от всех конец земли потекоша к тебе людие Божии, исцеления от тебе получаху. С ними же и мы гресех своих кающеся, яко ходатаю о нас пред Богом теплу, умильно зовем ти: Радуйся, сеятелю правды, слезами твоими землю нашу освятивый; Радуйся, обличителю неправды, души верных от прелести греховныя свободивый; Радуйся, свете сердец кротких и разумных, путь к Богу указуяй; Радуйся, ученьми твоими, яко кормилица кроткая нас греяй и питай; Радуйся, всех скорбящих и обремененых неложное упование; Радуйся, болящих и от духов злых страждущих благодатное врачевание; Радуйся, сосуде избранный, дары Духа Святого туне верным источивый; Радуйся, не о людях токмо, но и о скотех милосердовавый; Радуйся, Иоанне, земли Российския молитвенниче предивный.

 

Кондак 5
Яко небосветлая звезда священнолепным житием твоим просиял еси, пастырю Христов Иоанне! Богом дарованное тебе наследие от волков, губящих е, словом Божиим ограждал еси, пастырски взывая: возьмите Крест Господень, на Немже Христос — Царь славы — рукописание грехов наших изглади, в Нем же миру востание во веки. Мы же, сим знаменающеся, поем с тобою Бога победную песнь: Аллилуиа.

 

Икос 5
Видевше тя Российствии людие дивно на свещнице церковной сияюща, правды Божия ищуще, к тебе притекаху, и яко другу Христову, исповедаху грехи своя. Мы же, обремененнии многими прегрешениями, к тебе, блаженне Иоанне, прибегаем и тако глаголем: Радуйся, яко силою благодати, яже в тебе, немощнии духом в любви Божии укрепляются; Радуйся, яко твоими молитвами кающиеся плена греховнаго свобождаются; Радуйся, яко труды твоими алчущии и жаждущии Правды Христовой насыщаются; Радуйся, яко благовестием твоим врази Христовы посрамляются; Радуйся, яко молитвами твоими силы ада содрагаются; Радуйся, яко воздеянием рук твоих врата небесная верным отверзаются; Радуйся, в умилостивление за народ наш молитву, яко кадило благовонное, херувимски Богу приносивый; Радуйся, за неведующих правды и любве Божия молитися нас подвигнувый; Радуйся, Иоанне, земли Российския молитвенниче предивный.

 

Кондак 6
Проповедницы чудных деяний твоих, блаженне Иоанне, явишася мнози: богатии и нищии, старцы и юноши. Ты бо всем Любовь свою изливал еси. Темже не токмо провославнии, но и иноверии силою молитв твоих милость Божию обретаху, поя Богу: Аллилуиа.

 

Икос 6
Возсиял еси житием твоим в Церкви Православней лучезарнее сияния севернаго, светом Евангелия Христова Отечество наше просвещал и от сетей вражиих чада ея ограждал. Тем же и ныне молим Господа сил, да любовь святая утвердится в сердцах наших, во еже ни скорбь, ни теснота, ни смерть не возмогут нас разлучить от любви Божия. И тако достигше сего, тебе воззовем: Радуйся, яко Божиим смирением грядущая на ны предвозвестивый; Радуйся, тесным путем в заповедях Божиих ходити нас научивый; Радуйся, в скорбех и печалех сущим источник радости в Бозе указавый; Радуйся, оную радость, яко зеницу ока, свято хранити нам завещавый; Радуйся, десницею и щуйцею оружие Правды Божия содержаяй; Радуйся, в словесе истины и любви нелицемерней Сыну Громову уподобивыйся; Радуйся, порфирою покаяния всех облекаяй; Радуйся, диадимою благодати славно увенчанный; Радуйся, Иоанне, земли Российския молитвенниче предивный.

 

Кондак 7
Хотя Всеблагий Господь спасти люди земли нашея и, яко злато в горниле огненнем, очистити я, вложи в уста твоя, всеблаженне, дух премудрости и разум провидца, во еже чрез покаяние сердечное и сокрушение слезное преуготовати я в вере непоколебимых к жертвенному служению, да со всеми святыми, в земле Российстей просиявшими, ангельски вопиют Богу: Аллилуиа.

 

Икос 7
Новаго избранника Божия, всеблаженне Иоанне, видяще тя у Алтаря Господня за всех молитвою слезною Христу сраспинающаяся, боголюбивии людие с верою к тебе притекаху и душевне и телесне исцеляхуся. Темже и мы, в немощи сущии, молим тя прилежно: воздвигни руце твои и не премолчи за ны ко Господу, якоже отец о чадех своих, да умножит Господь милость Свою на нас, приносящих ти сицевая: Радуйся, у Престола Божия прилежный о нас печальниче и ходатаю; Радуйся, покаяния слезнаго усердный глашатаю; Радуйся, образе неусыпнаго делания, Христу Богу работати прилежно нас наставляеши; Радуйся, яко на божественней страже веры апостольския стояти нас утверждаеши; Радуйся, образ воздержания и целомудрия добре показавый; Радуйся, суеверия, ереси и злохуления от стада твоего отсекавый; Радуйся, сущих во тьме неведения славный просветителю; Радуйся, душ человеческих от суеты житейския мудрый восхитителю; Радуйся, Иоанне, земли Российския молитвенниче предивный.

 

Кондак 8
Странное чудо видим на тебе, предивный пастырю Христов Иоанне! Сама бо Пречистая Матерь Божия ублажити тя и последующих тебе и с радости благоволение Божие всем возвести: о милейшия вы чада, Отца Небеснаго! Сице бо радость Церкви Небесныя о подвизе земныя предвозвести. Сего ради мы, надеждою на предстательство о нас Матери Господа Сил согреваеми, вопием Царю всех веков: Аллилуиа.

 

Икос 8
Весь желанием Божием распаляемь, носитель любви Христовы явился еси, пастырю добрый. В ней бо милость и истина сретостеся, правда и мир облобызастася; всякая же лесть упразднися, еретическое же злонравие, яко тля, попалися, скорби же человеческая елеем милосердия твоего утолишася. Мы же, нерадивии, сокровищ сих не стяжахом, праведным судом Божиим многим скорбем и печалем достойни явихомся. Но, ведуща тя помощника неусыпна, умильно зовем ти: Радуйся, любве Христовой неутомимый носителю; Радуйся, мира и правды ревностный сеятелю; Радуйся, веры православныя незыблемый хранителю; Радуйся, благочестия и добронравия насадителю; Радуйся, о всем мире печальниче и слезный молитвенниче; Радуйся, Церкви Христовой немеркнущий светильниче; Радуйся, отцев наших похвало, нам же надеждо и утешение; Радуйся, Богоизбранный пастырю, Святыя Руси благодатное украшение; Радуйся, Иоанне, земли Российския молитвенниче предивный.

 

Кондак 9
Всем сущим в бедах и скорбех житейских воздвиже Господь на радость пастыря и чудотворца предивна Иоанна, да хромыя и расслабленныя, слепыя и от духов злых томимыя исцелит, в пагубнем пиянстве и супружестей неверности растлеваемыя к непостыдней жизни призовет, а яже во озлоблении сущия к Богу приведет и сице в душах верных царство Правды Божия насадит, да воспоем вси спасительную песнь Богу: Аллилуиа.

 

Икос 9
Вития многовещании недоумеют изъясняти силу молитвы твоя, Иоанне предивне, егда три юноши, дерзнувших поглумитися о тебе и молитве твоей, спасительне наказал еси. Узрев же я кающихся и слезно молящихся, исцеление злохулителю от Бога испросил еси. Тии же, познавше молитвы твоея силу чудодейственную и любве твоея милосердие теплейшее, яко Божия провидица, ублажиша тя похвалами таковыми: Радуйся, благое икономство чина своего богомудренно соблюдый; Радуйся, данный тебе залог, Тело Христово, цел и невредим до последнего твоего издыхания сохранивый; Радуйся, скрижали Богоначертынныя обою Заветов достойне возвестивый; Радуйся, Церковь Христову благочестием пастыря добра прославивый; Радуйся, истиннаго просвещения и христианскаго благочестия ревностный насадителю; Радуйся, кающихся грешников, сирых и убогих милостивый покровителю; Радуйся, мудрый путеводителю, стези правды юным указуяй; Радуйся, судие нелицеприятный, зломудрствующия любовию наказуяй; Радуйся, Иоанне, земли Российския молитвенниче предивный.

 

Кондак 10
Спасти хотя души ближних своих, ересьми и маловерием обуреваемыя, противу кознем диавольским воздержанием и смирением вооружился еси, отче Иоанне, апостольское и святоотеческое веры исповедание твердо сохранив. Жертвенною же любовию Христу сраспинайся, душу твою за спасение народа Божия положив, Царствия Небеснаго достигл еси, идеже со Ангелы и лики святых непрестанно Бога Славословия, поминай нас, славную память твою празднующих и поющих Богу: Аллилуиа.

 

Икос 10
Стена твердая бысть любовь твоя ко Господу, в ней же утвердися сердце твое, богоносне, отче Иоанне. Сего ради всем притекающим к тебе с верою прибежище и утверждение явился еси, да всяческая Христу приобрящеши. Темже и нам, к тебе припадающим, буди стена крепка и ограждение непреодолимое, да не посмеются о нас, хотящия нам злая, во еже в мире и любве Христове пребывати и приносити сия похвалы: Радуйся, святильниче неугасимый, огнем Духа Святого возжженный; Радуйся, крине, присно благоухаяй, росою благодати Божия напоенный; Радуйся, росо сладкоплодная, благодатными дары верных ожитворяющая; Радуйся, соле земли, от греховнаго тления нас сохраняющая; Радуйся, в мире житейском обуреваемым тихое пристанище; Радуйся, яко душевне и телесне изенемогающим о помощи Божией умоляеши; Радуйся, сердцеведче предивне, верныя от лжемудрствования ограждаяй; Радуйся, силою молитвы чистыя союз супружеския верности укрепляй; Радуйся, Иоанне, земли Российския молитвенниче предивный.

 

Кондак 11
Песнь достохвальную приносим ти, всеблаженне отче Иоанне, всем житием твоим прославившему Бога. И якоже видехом тя на земли долу у Престола Господня за всех и за вся Владыку мира умолявшаго, сице и ныне на Небеси горе вознеси молитвы твоя, во еже непоколебимей быти Церкви нашей, да из рода в род в отечестве нашем благочестно славится Имя Триединаго Бога поющими Ему: Аллилуиа.

 

Икос 11
Светозарную свещу, во мраце жития сущим, зрим тя, Богом избранне отче Иоанне, ты бо на Небесех у Престола Божия в сонме святых и Сил Небесных о нас присно ходатайствуеши, воззри на нас, чад твоих, облегчи наша скорби и исцели наша недуги, да зовем ти: Радуйся, яко в подвизе твоем имя Пресвятыя Троицы дивно прославися; Радуйся, яко благочестием веры твоея Церковь Христова украсися; Радуйся, яко состраданием к ближним твоим скорби и болезни, и печали всяческия утоляются; Радуйся, яко молитвами твоими кающиися грешницы Царствию Небесному приуготовляются; Радуйся, спасительных благ земных и небесных щедрый подателю; Радуйся, от враг видимых и невидимых надежный избавителю; Радуйся, яко в земном Едеме, Церкви Христовой, подвигом добрым просиял еси; Радуйся, яко доброты райская, уготованная праведным, восприял еси; Радуйся, Иоанне, земли Российския молитвенниче предивный.

 

Кондак 12
Благодатных даров Духа Святого кладезь преполненный яви в тебе Господь, отче наш Иоанне, да с тобою и мы сих причастницы будем и тако познаем милость Божию к нам, яко не отступит, ниже посрамит нас Господь, егда благодарными усты и чистым сердцем, уповающе на милость благоутробия Его, воспоем Ему: Аллилуиа.

 

Икос 12
Поюще твое достохвальное житие на земли и славу, юже стяжал еси на Небеси, молим тя, блаженне Иоанне, вознеси о нас молитвы Богу, да помиловани будем в день судный и, спасаеми твоими молитвами, тако тебе воззовем: Радуйся, богоизбранно и богопрославленне пастырю земли Российская; Радуйся, яко воспел еси имя Божие, аки орган мусикийский; Радуйся, пророком и апостолом добре поревновавый; Радуйся, бежати гнева Божия и творити плоды покаяния мудре наставивый; Радуйся, об Отечестве и народе нашем теплый молитвенниче; Радуйся, веры православный истинный исповедниче; Радуйся, пресветлый лучу, путь к жизни вечней исияваяй; Радуйся, неисчерпаемую благость Божию нам открываяй; Радуйся, трапезо неоскудеваемая, от неяже монаси и мирстии питаются; Радуйся, учителю Правды Божия, еюже старцы и юноши украшаются; Радуйся, яко ихже даде тебе Господь, сотворил еси я Богу в радование; Радуйся, яко от небожителей приял еси о Господе целование; Радуйся, Иоанне, земли Российския молитвенниче предивный.

 

Кондак 13
О всеблаженне отче Иоанне, всероссийский пресветлый светильниче и предивный чудотворче! Приими хвалебное сие пение и умоли Христа Бога в мире и благочестии утвердити Святую Церковь, нас же всяких бед избавити и в единомыслии веры в союзе любви Христовы соблюсти, да единеми усты и единем сердцем воспоем с тобою Богу: Аллилуиа.

(Этот кондак читается трижды, затем икос 1 и кондак 1)

 

Акафист перед иконой «Святой праведный Иоанн Кронштадтский» (иной) 

Кондак 1
Избранному во иереях, дивному угоднику Божию Иоанну, пастырю и учителю, царей любителю, скорбных утешителю, земли Российской светлому светильнику, все житие свое на служение Богу и ближним посвятившему и множество грешников на покаяние обратившему; многим же болящим исцеление у Бога испросившему, составим хвалу, яко ходатаю нашему и скорому помощнику. Ты же, отче, яко имеяй дерзновение ко Господу, от всяких нас бед свобождай, да зовем ти хвалебно: Радуйся, Иоанне, новый Российский светильниче и теплый о нас к Богу молитвенниче.

 

Икос 1
Ангела-хранителя своего, еще шестилетен сый, в светлости неизреченной яв узрел еси, Иоанне, иже и рече тебе, яко по повелению Господню всегда невидимо соприсутствует и хранит тя от всех зол. Темже от юности избранника Божия тя ведуще, взываем сице: Радуйся, от младенства по предуведению Богом избранный; Радуйся, от юности в служении Ему Того благодатию призванный. Радуйся, ангела-хранителя твоего из детства добрыми нравы веселивый; Радуйся, николиже того чем опечаливый. Радуйся, яко незримый хранитель твой яве тебе явися; Радуйся, яко той всегда хранити тя обещася. Радуйся, благочестивых родителей чадо возлюбленное; Радуйся, теми из детска в страсе Божием воспитанный. Радуйся, воздержанию от юности себе обучивый; Радуйся, во убожестве и нищете младые дни своя препроводивый. Радуйся, яко благонравия твоего ради благодать Божия яве на тебе почиваше; Радуйся, яко та лице твое всегда благоумиленно творяше. Радуйся, Иоанне, новый Российский светильниче и теплый о нас к Богу молитвенниче.

 

Кондак 2
Видим тя, богомудре Иоанне, от юна возрасти благодатию Божиею осенена бывша и ею таинственно на добродетельное житие наставляема и руководима. Темже, имуще тя себе во образе и подражание, умильно вопием Христу Богу: Аллилуиа.

 

Икос 2
Разум твой из млада в чтение и разумение священнаго и святоотеческаго Писания углубил еси, Иоанне, и из него, яко губа, воспринимал еси воду живу, от источника Святаго Духа проистекающую. Темже молим тя, умоли благаго Господа, да сподобит причастниками быти сея живительныя струи и нас, взывающих ти сице: Радуйся, от младенчества чиста себе от страстей соблюдый; Радуйся, благодать святаго крещения целу и невредиму сохранивый. Радуйся, чтение Божественных писаний усердно возлюбивый; Радуйся, сокровенный в них смысл право и добре уразумевый. Радуйся, во учении книжнем прилежание примерное показавый; Радуйся, в любомудрии естественном и духовнем славно преуспевый. Радуйся, любомудрием твоим мира прелести скоро распознавый; Радуйся, тех сетей, яко орел высокопарный, мудре избежавый. Радуйся, северныя Российския страны чудное и светлое воспитание; Радуйся, мрака греховнаго в людех разгнание. Радуйся, всем притекающим к тебе скорое вспоможение подаваяй; Радуйся, многомощное нам пред Богом заступление являяй. Радуйся, Иоанне, новый Российский светильниче и теплый о нас к Богу молитвенниче.

 

Кондак 3
Сила благодати Божия, недостающая восполняющая, обильно излияся на тя, Иоанне приснопамятне, егда от святителя Христофора во иереа рукоположен был еси и граду Кронштадту пастырь учинен; оттоле бо начал еси учити люди верно служити Святой Троице и пети Ей: Аллилуиа.

 

Икос 3
Имея любовь Божественную в сердце своем, мудре Иоанне, и устав поста строго соблюдая, удобь поборал еси страстей двизания, николиже теми запявся. Темнее, яко муж силен, изшел еси на делание нивы Господни; словом, яко ралом, разрыхляя отвердевшая и оляденевшая сердца человеческая, согревая же та молитвою и теплотою любве твоея и насевая в них семена искреннего покаяния и живыя веры. Сего ради восписуем ти таковые похвалы: Радуйся, избранный сосуде Божия благодати; Радуйся, даров небесных вместилище. Радуйся, всем сердцем и всем помышлением твоим Бога возлюбивый; Радуйся, сего ради и чада твоя духовная искренне Того любити учивый. Радуйся, заповеди Божия и уставы Церкве о постех опасно хранивый; Радуйся, таковым хранением любовь твою к Богу и ближним делы проявивый. Радуйся, от юности над страстьми воцаривыйся; Радуйся, славен победитель над теми явивыйся. Радуйся, в мире поживый премирно; Радуйся, на земли мудрствовавый небесно. Радуйся, царства православно-российскаго столпе неподвижимый; Радуйся, православия и добрых обычаев блюстителю непозыблемый. Радуйся, Иоанне, новый Российский светильниче и теплый о нас к Богу молитвенниче.

 

Кондак 4
Бурею многих бед и волнений житейских одержимым, нам помогай, отче Иоанне, якоже и в животе твоем помогал еси всем, с верою к тебе притекавшим, да вси тобою вспомоществуеми, благодарно о тебе поем Богу: Аллилуиа.

 

Икос 4
Слышав апостола глаголюща: “наше житие на небесех есть” и хотя е наследовати, маловременное сие житие не во угождении плоти и работе страстем иждил еси, Иоанне, но во очищении души от скверн греховных (с ними же никтоже может внити в Царствие Небесное). Темже имуще тя во образ богоугоднаго жития и помощника в сем, взываем сице: Радуйся, света евангельскаго в наши дни светлое блистание; Радуйся, омраченных душ вседейственное просвещение. Радуйся, яко в Божественная писания весь ум твой углубил еси; Радуйся, яко в них стезю правую в Царствие Небесное обрел еси. Радуйся, яко вся деяния твоя свет миру быша; Радуйся, яко тобою Отец Небесный дивно прославися. Радуйся, яко слово твое не бе, якоже кимвал бряцаяй, мертво, нечувственно; Радуйся, яко тое бяше воистину живо и действенно. Радуйся, яко тобою мертвии духом верою оживляются; Радуйся, яко тобою падшии в бездну греховную к покаянию возбуждаются. Радуйся, яко тебе во дни наши яви Господь земли Российстей яко пророка и апостола; Радуйся, яко в тебе врази истины обретоша неустрашимаго обличителя и крепкаго противоборца. Радуйся, Иоанне, новый Российский светильниче и теплый о нас к Богу молитвенниче.

 

Кондак 5
Звезда многосветлая земли Российския явился еси, священне Иоанне, мрак греховный просвещающая. Темже и ныне подаждь просвещение сыном Российским, тьмою заблуждения объятым и во власть нечестивых предававшихся, да познают свое окаянство, и обратившеся ко Господу, в покаянии возопиют Ему: Аллилуиа.

 

Икос 5
Видевши Российстии народи великаго тя благочестия проповедника и многомощна пред Богом молитвенника и предстателя, во множестве отовсюду к тебе притекаху, инии же писания своя тебе, отче, посылаху, исцеления в болезнех, совета в недоумениях и утешения в скорбех просяще, и улучивше желание, благодарственно тебе взываху: Радуйся, Иоанне, новый миру светильниче; Радуйся, непосредственный в молитвах Богу собеседниче. Радуйся, яко твоя молитвы сильны и многомощны Владыку умилостивляти; Радуйся, яко твое к Нему предстательство многодейственно благость Его на щедродательство подвизати. Радуйся, яко тобою, по мере веры, подаются благодатная исцеления; Радуйся, яко тобою недугующие приемлют скорое недугов своих в здравие пременение. Радуйся, яко тобою грешнии на покаяние обращаются; Радуйся, яко тобою безчиннии крамольницы вразумляются. Радуйся, яко тобою безумнии глумители над тайнами веры посрамляются; Радуйся, яко тобою посмеятели чудесных твоих деяний подобающее вразумление приемлют. Радуйся, скорбящих благодатный утешителю; Радуйся, в недоумении сущих благостный вразумителю. Радуйся, Иоанне, новый Российский светильниче и теплый о нас к Богу молитвенниче.

 

Кондак 6
Проповедником истины, богоносным отцем подражая, всего себе на служение Богу и ближним вдал еси, и сан священства нося, покоя не знал еси, службы Божия в храме присно совершая и в домех верных молебныя пения воспевая, нуждающимся же щедро благотворя, наименование благотворца и безсребренника стяжал еси, Иоанне. Темже и по успении твоем Российстии люди прославляют имя твое, и вечную память тебе возглашающе, поют Богу: Аллилуиа.

 

Икос 6
Возсиявый от Девы Христос Бог наш и тьму идолобесия светом Евангелия разгнавый, яви тя, отче Иоанне, верна и ревностна проповедника Своея истины, клевретами лукаваго извращаемыя. Темже, яко имеяй дерзновение ко Господу, избави от тех злобы и коварства всех воспевающих ти таковая: Радуйся, служителю Христов изрядный; Радуйся, во иереех угодниче Того преизящный. Радуйся, на стражи дома Божия недремленно стоявый; Радуйся, татей духовных мечем слова Божия и молитвою отгонявый. Радуйся, писаньми твоими многих от любве мирския к любви Христове подвигнувый; Радуйся, вещаньми твоими любовь Божию к человеком, во искуплении и промышлении нам явленную, изъявивый. Радуйся, действие Духа Божия на сердца человеческая удобопостижно сказавый; Радуйся, тайну молитвеннаго с Богом собеседования яве указавый. Радуйся, целомудрие в законном супружестве твоем чудесно сохранивый; Радуйся, многая чада духовная покаянием породивый. Радуйся, в сердцах верных благую память по себе оставивый; Радуйся, яко память сия, яко праведника, незабвенна пребудет во веки. Радуйся, Иоанне, новый Российский светильниче и теплый о нас к Богу молитвенниче.

 

Кондак 7
Хотя Всеблагий Господь утешити верныя люди Своя и отвратити беззаконныя от злых дел их, воздвиже тя, Иоанне, якоже пророка Иону Ниневии граду великому; да проповеси Россияном гнев Божий, грядущий на ня вскоре, еже и собьются уже по твоему вещанию, ибо непокаяни в гордыни пребыхом и не восхотехом с тобою смиренно пети Христу Богу: Аллилуиа.

 

Икос 7
Нова беда и гнев Божий постиже нас, не восхотевших внимати богодухновенным твоим глаголом: держава бо царства нашего разрушися и слугам сатаны во власть предадеся, иже честныя обители иноческие разориша. святые храмы оскверниша и вся благочестивыя люди люте озлобиша, и множество духовнаго и мирскаго чина мученической смерти предаша. Темже к тебе, отче Иоанне, в покаянии прибегаем и умильно взываем: умоли Владыку Христа, да преложит гнев Свой на милость и да услышит нас, взывающих ти сице: Радуйся, покаяния велегласный проповедниче; Радуйся, грядущаго гнева Божия на люди согрешившия неложный провозвестниче. Радуйся, нечестия людского громогласный обличителю; Радуйся, о исправлении тех ревностный рачителю. Радуйся, царства православно-российскаго при животе твоем крепкий оплот бывый; Радуйся, от крамол во дни оны тое сохранивый. Радуйся, царей благочестивых присный любимиче; Радуйся, мудрый тех советниче и наставниче. Радуйся, о власти царстей, яко богоуставленной, многая словеса провещавый; Радуйся, к послушанию и верности законной той власти люди тщаливо приводяй. Радуйся, молитвами твоими престолы царей благочестивых ограждаяй; Радуйся, суды правы в людех творити тех поучаяй. Радуйся, Иоанне, новый Российский светильниче и теплый о нас к Богу молитвенниче.

 

Кондак 8
Странный и необычный путь жития совершил еси, отче Иоанне, в мире пожив примерно и на земли небесно: в воздержании и целомудрии, и во всегдашнем Бога славословии великим отцем подражал еси. С ними же ныне на небеси Христу в веселии предстоя и молитвы о мире принося, выну поеши: Аллилуиа.

 

Икос 8
Вси православнии людие, якоже в животе, тако и по преставлении твоем к Богу, вельми чтут тя, отче Иоанне, верующие, яко велие дерзновение к Богу имаши и молиши благость Его о всех к тебе притекающих и тако взывающих: Радуйся, благаго корене доброе прозябение; Радуйся, отца клирика и матере благочестивыя рождение и воспитание. Радуйся, яко малая весь Сура твоего ради в ней рождения и воспитания всей земли Российстей ведома сотворися; Радуйся, яко град Кронштадт твоим в нем служением прославися. Радуйся, яко милосердными делы твоими вся земля Российская наполнися; Радуйся, яко весть о чуднем и святем житии твоем и за пределы ея распространися. Радуйся, яко писаньми твоими тайна благодатнаго с Богом общения изъясняется; Радуйся, яко сими писаньми свет духовнаго озарения в сердца чтущих я изливается. Радуйся, яко в писаниих твоих чистота души твоея яве прозревается; Радуйся, яко в них, якоже в зерцале, богоподобие души человеческия отображается. Радуйся, яко писаниями твоими не токмо россияне, но инороднии народы во спасение свое назидаются; Радуйся, яко ими истинная вера возсиявает и мраки ересей разгоняются. Радуйся, Иоанне, новый Российский светильниче и теплый о нас к Богу молитвенниче.

 

Кондак 9
Всякое слово не довлеет к похвале твоей, отче Иоанне, ты бо Духом Святым движим, от юности Богу усердно послужил еси; первее в изучении священных писаний многа лета усердно труждаяся и разум глубок стяжевая, также о научении отроков и о пастве твоей прилежно пекийся, всех поучал еси разумно пети Богу: Аллилуиа.

 

Икос 9
Вития суемудрый, Лев безумный и единомысленницы его, тобою, отче Иоанне, яве посрамишася в злочестии своем, православнии же в вере утвердишася, боговещанными твоими глаголы наставляеми. Темже, восхваляюще тя, взываем сице: Радуйся, цевнице боговещанная; Радуйся, гусль Духа сладкозвучная Радуйся, словесы и писаньми твоими догматы веры уяснивый; Радуйся, вещаньми твоими верных смыслы в православии утвердивый. Радуйся, яко тобою полки богоборцев победишася; Радуйся, яко тобою яснополянский богоотступник и клевреты его мудро изобличишася. Радуйся, яко тобою душепагубное того учение о душе человечестей, аки бы не имеющей личнаго бытия, низложися; Радуйся, яко тобою истинное учение о безсмертии и лично безконечном пребывании ея утвердися. Радуйся, разума Божественнаго мудрый изъявителю; Радуйся, таинств церковных благоговейный совершителю. Радуйся, благонадежный в Царствие Небесное руководителю; Радуйся, пути спасительнаго истинный учителю. Радуйся, Иоанне, новый Российский светильниче и теплый о нас к Богу молитвенниче.

 

Кондак 10
Спасти хотя душу твою, многих святых добродетели в себе совокупил еси, отче Иоанне: апостольское и святоотеческое веры исповедание, мученическую в благочестии твердость, всегдашнее в молитвах бодрствование, воздержание и смирение, в купе же и подвиги преподобных. Темже ныне со святыми на небеси водворяяся и непрестанно Бога славословя, поминай нас, славную память твою почитающих и поющих Богу: Аллилуиа.

 

Икос 10
Царя Небеснаго усердный священнослужителю и земных благочестивых царей верный чтителю и любителю, отче Иоанне; обоим праведно благоугодивый, воздая кесарево кесареви и Божия Богови, и вся люди тому же поучал еси. Сего ради восхваляем тя и глаголем сице: Радуйся, рабе Божий, благий и верный; Радуйся, служителю Того усердный. Радуйся, вся повеленная от Господа тщаливо творивый; Радуйся, заповедей Его искусный делатель бывый. Радуйся, о вездесущии Божии всегда помышлявый; Радуйся, умным очесем твоим Того выну представлявый. Радуйся, благочестивых царей российских, яко слуг Божиих, почитавый; Радуйся, благими советы и молитвами твоими в трудном их подвиге народоправления помогавый. Радуйся, к попечению о благе Церкве и народа своего тех подвизавый; Радуйся, от крамол и мятежей в животе твоем тех защищавый. Радуйся, и ныне о царстве православно-российском Бога умоляяй; Радуйся, скиптры царей православных утверждаяй. Радуйся, Иоанне, новый Российский светильниче и теплый о нас к Богу молитвенниче.

 

Кондак 11
Песней похвалою невозможно есть изобразити множество о Бозе исправлений твоих, о пречудне отче Иоанне; яже совершил еси во всем житии твоем; немощныя молитвами твоими исцеляя, бесы от человек изгоняя, пьянством и иными страстьми недуговавшия врачуя, в нищете же и убожестве сущия обильно ущедряя, и всем по коегождо потребе помогая и благотворя, яко всем благодарно о тебе пети Богу: Аллилуиа.

 

Икос 11
Светильника светла и прозорливца дивна яви тя Господь в днех наших, провозвестивша грядущий гнев Его на царство православно-российское, зане не покаяхомся проповедию твоею. Темже, яко пророка Божия и провозвестника Того судеб, ублажаем тя и в покаянии взываем: Радуйся, провидче дивный; Радуйся, будущих событий предсказателю неложный. Радуйся, древним покаяния проповедником равный; Радуйся, новым провидцем равночестный. Радуйся, сокровенных судеб Божиих яснозрителю; Радуйся, грядущаго гнева Божия на нераскаянныя грешники возвестителю. Радуйся, покаяния сладкогласный глашателю; Радуйся, смятенных сердец умирителю. Радуйся, многомощный наш пред Богом ходатаю; Радуйся, благонадежный наш пред Ним предстателю. Радуйся, добрый словесных овец пастырю, множество заблудших душ взыскавый; Радуйся, от уз темничных и смерти многих свободивый. Радуйся, Иоанне, новый Российский светильниче и теплый о нас к Богу молитвенниче.

 

Кондак 12
Благодать Божия, юже приял еси сугубо во святом крещении и во иерейском рукоположении, не вотще в тебе бысть, отче Иоанне: рачением бо твоим употребил еси сию на пользу многим и во славу Дарователя ея; светлостию бо жития твоего и делы милосердными вельми прославися Отец Небесный, и от множества уст, тобою духовно и телесно облагодетельствованных, возносится Тому великая песнь: Аллилуиа.

 

Икос 12
Поющие богоугодное твое от юности житие и духовное от силы в силу восхождение, ублажаем праведную твою кончину и славное погребение благодатных твоих мощей, обретших вечный покой в созданней тобою девичей обители. Веруем же, яко и святая душа твоя упокойся в пресветлых райских селениях, ихже наследовати помози нам, возглашающим ти похвалы сицевыя: Радуйся, течение временныя жизни равно и богоугодно скончавый; Радуйся, веру правую непорочно сохранивый. Радуйся, мирною христианскою кончиною праведность твою известивый; Радуйся, покой вечный на небеси со святыми получивый. Радуйся, радости праведных во обителех райских причастивыйся; Радуйся, со множеством душ, тобою спасение улучивших, блаженства вечнаго сподобивыйся. Радуйся, с царственными новомученики Царство Небесное наследивый; Радуйся, с ними Царю славы предстояй и о избавлении отечества нашего от безбожных враг молитвы возносяй. Радуйся, великий православия поборниче; Радуйся, непреодолимый благочестия защитниче. Радуйся, сонными явленьми преславно чудотворяй; Радуйся, инославныя в православие приводяй. Радуйся, Иоанне, новый Российский светильниче и теплый о нас к Богу молитвенниче.

 

Кондак 13
О всечестный отче Иоанне, не Кронштадтский токмо, но и всероссийский, паче же — всемирный светильниче и великий Христов угодниче! Приими от нас недостойных хвалебное сие пение и благоприятными твоими ко Богу молитвами избави нас от бед временных и вечных, да сподобимся с тобою в Царствии Небеснем вечно воспевати: Аллилуиа.

(Этот кондак читается трижды, затем икос 1 и кондак 1)