Для быстрого перехода до интересующего вас элемента воспользуйтесь ссылками…..

Немного истории….

Молитвы:   ….1   ….2  

Тропари:   ….1   ….2   ….3  

Кондаки:   ….1   ….2

Величание:   ….1

Акафист:   ….1.

 

 

          Историю этого почитаемого и чудотворного образа Пречистой Девы, Матери Божией связана с судьбой церковного песнописца и автора философско-догматических трактатов преподобного Иоанна Дамаскина. В начале VIII века, впавший в ересь, Византийский император Лев Исавр III начал гонения на иконы, мощи, церковную роспись и почитающих их христиан.

          Находясь на службе у халифа Дамасского в должности министра, Иоанн выступил против еретиков, чем вызвал гнев главного иконоборца – императора. По указанию Льва Исавра было изготовлено письмо, якобы написаноое рукой Иоанна, в котором он призвал императора напасть на Дамаск. Прочтя письмо, халиф приказал отрубить Иоанну правую руку. Страдая от раны и незаслуженной обиды, он всю ночь молился перед иконой Божией Матери. Царица небесная услышала молитвы Божиего угодника. К утру, когда Иоанн погрузился в забытье, рука его приросла.  В благодарность он изготовил серебряную руку и приложил ее к иконе. С тех пор икона называется «Троеручица». Вскоре Иоанн удалился в монастырь близь Иерусалима, взяв с собой и чудотворный образ Божией Матери. В XIII веке икона была дарована христианам Сербии. Во время нашествия турок на сербов икона по попечительству Самой Царицы Небесной переместилась на Святую Гору Афон, в Хилиндарский монастырь, где находится до сего дня.

          Хилиндарский монастырь основан сербским королевичем Радько, который будучи наследником престола, предпочел стать монахом под именем Савва. Вскоре его примеру последовал и отец, король Сербии Стефан, принявший монашеский постриг с именем Симеон. По их кончине Сербская церковь провозгласила отца и сына святыми. Благодаря притоку монахов – сербов и щедрой денежной помощи сербских правителей, монастырь строился и процветал. С древних времен в иерархии Афонских двадцати монастырей он занимает четвертое место.

          В начале XVII-го столетия умер настоятель Хилиндарского монастыря, братия приступили к избранию нового настоятеля. Но никак не могли прийти к единогласию; произошли смуты и распри. Однажды, по обычаю, собрались иноки к утреннему богослужению и увидели, что икона «Троеручица»  стоит не в алтаре, а на игуменском месте. Приписывая это тайным действиям церковнослужителей, братия отнесла икону в алтарь, но в следующее утро она опять явилась на игуменском месте. Это чудесное перехождение повторялось не один раз, несмотря на наложение печатей на дверях церкви. Пресвятая Богородица явилась в сонном видении одному старцу монастыря и изъяснила Свою волю, чтобы братия не трогала Ее иконы с игуменского места, потому, что для устранения и на будущее время несогласия в избрании игумена, Она Сама хочет занять это место Своею иконою и управлять монастырем. С той поря Святая икона всегда пребывает над игуменским местом в знамении того, что Пресвятая Богородица – настоятельница монастыря. С тех пор в Хилиндаре нет игумена, а только игуменский помощник, занимающий второе место после игуменского, над которым находится икона – «Троеручица».

          Впервые верный список с иконы «Троеручица» был принесен в Москву в 1661 году к патриарху Никону, который поставил эту икону в Воскресенском монастыре (Новый Иерусалим).

          Точный список с древней Афонской чудотворной иконы «Троеручица» был доставлен в Белобережскую пустыню Орловской губернии в 1845 году.

          Житель села Нового, составитель истории села, талантливый художник Петр Староканов побывал в пустыне и сделал список с Афонской иконы и в 1873 году пожертвовал икону Крестовоздвиженской церкви (о чем гласит надпись на иконе).

          По всей вероятности, в конце XIX века с Афонской иконы «Троеручица» был сделан список маслом на доске размером 23х17 сантиметров. Эта небольшая икона находилась в покоях семьи последнего царя земли Русской Николая Романова. Она же сопровождала Царственных Мучеников до Екатеринбурга и находилась вместе с ними в доме Ипатьева. К ней прикладывались и перед ней возносили молитвы Царственные Мученики прежде  чем предстать перед Господом. Образ Пресвятой Богородицы стал свидетелем их страданий и мученического подвига.

          О дальнейшей судьбе этой иконы рассказывает Ольга Николаевна Куликовская-Романова, супруга Тихона Николаевича Куликовского-Романова, внука императора Александра III и племянника Царя-Мученика Николая II: – «У меня имеется икона Божией Матери «Троеручица», перед которой молились члены царской семьи в доме Ипатьева в заточении. Икона эта с поврежденным киотом была выброшена преступниками после их гнусного «дела»… При приходе «белых» ее подобрал один гвардейский офицер, знавший лично моих родителей – Великую Княгиню Ольгу Александровну и моего отца ротмистра Николая Александровича Куликовского. И икона была доставлена в 1920-х годах в Данию моей бабушке – императрице Марии Федоровне. Дайте этой свидетельнице страданий новомучеников вернуться в Россию на ее достойное место – в храм памятник, долженствующий быть воздвигнутым как покаянная лепта за великий грех, допущенный в нашей истории, грех за который и поныне страдает наша Россия и мы с ней, где бы на земле ни находились».

          Образ «Троеручицы» прибыл в Москву 2 июля 2003 года и был встречен священнослужителями и прихожанами Московских храмов, звоном колоколов и молебнами.

          11 июля того же года, в 85-ю годовщину убийства царской семьи, был освящен храм-памятник на крови Царственных Мучеников в Екатеринбурге и в нем находится эта великая реликвия.

 

Молитва Божией Матери перед иконой Ее “Троеручица”

О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему!

Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков.

Аминь.……

 

Молитва Божией Матери перед иконой Ее “Троеручица”

О, Пресвятая и Преблагословенная Дево, Богородице Марие!

Припадаем и покланяемся Тебе пред святою иконою Твоею, воспоминающе преславное чудо Твое, исцелением усеченныя десницы преподобнаго Иоанна Дамаскина, от иконы сей явленное, егоже знамение доныне видимо есть на ней, во образе третия руки, ко изображению Твоему приложенныя.

Молимся Ти и просим Тя, Всеблагую и Всещедрую рода нашего Заступницу: услыши нас, молящихся Тебе, и якоже блаженнаго Иоанна, в скорби и болезни к Тебе возопившаго, услышала еси, тако и нас не презри, скорбящих и болезнующих ранами страстей многоразличных, не презри, усердно к Тебе от души сокрушенныя прибегающих.

Ты зриши, Госпоже Всемилостивая, немощи наша, озлобление наше, нужду, во Твоей помощи потребу, яко отвсюду врази окружают нас, и несть помогающего, ниже заступающаго, аще не Ты умилосердишися о нас, Владычице.

Ей, молим Ти ся, вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на страшнем суде Сына Твоего и Бога нашего.

Егоже умоли за нас матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей.

О, Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и Рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне и присно и во веки веков.

Аминь.

 

Тропарь Божией Матери перед иконой Ее “Троеручица”

глас 4
Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

 

Тропарь Божией Матери перед иконой Ее “Троеручица”

глас 4
Днесь светло красуется царствующий град Москва,/ имеющи в себе, о Всемилостивейшая, всея твари Честнейшая,/ Заступнице наша Дево Богородице,/ честный образ Твой,/ имже подсолнечныя концы земли удивляеши/ и мир мирови даруеши,/ во образ бо Святыя Троицы являеши трие руце:/ двема убо Сына Своего, Христа Бога нашего, носиши,/ третиею от напастей и бед/ верно к Тебе прибегающих избавляеши,/ и от потопления изымаеши,/ и всем полезная даруеши,/ и преподобному Михаилу Малеонскую гору показа,/ и всех всегда милуеши,/ честною ризою Своею покрываеши жительство сие/ и вся грады и страны наша, да зовем Ти:/ радуйся, Обрадованная.

 

Ин тропарь Божией Матери перед иконой Ее “Троеручица”

глас 4
Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не остави милость Твою от нас,/ но пребуди с нами во веки.

 

Кондак Божией Матери перед иконой Ее “Троеручица”

глас 8
Днесь веселое наста ныне Твое торжество, Богомати Пречистая,/ вси вернии исполнишася радости и веселия,/ яко сподобльшеся изрядно воспети/ предивное явление честнаго образа Твоего/ и рождшагося из Тебе Младенца, истинна же Бога,/ Егоже двема рукама объемлеши,/ и третиею от напастей и бед нас изымаеши// и избавляеши от всех зол и обстояний.

 

Кондак Божией Матери перед иконой Ее “Троеручица”

глас 3
Дева днесь благоволение к нам являет,/ Гора же Афон благодарение Ей приносит,/ Ангели и иноцы славословят,/ Троеручица из Сербии чудесно путешествует:/ нас бо ради прииде// и вселися во святую обитель Хиландарскую.

 

Величание

Величаем Тя, Пренепорочная Дево, и чтим чудеса образа святаго Твоего, трех пречистых рук Твоих явление в сла­ву Божества, в Троице Бога нашего.

 

Акафист Пресвятой Богородице перед Ее иконой, именуемой «Троеручица»

Кондак 1
Взбранней Воеводе, Богообрадованной Приснодеве Богороди­це, посетившей Гору Афонскую явлением чудотворным иконы Своея и многия милости Ею дарующей роду христианскому, похвальное возглашаем ныне пе­ние: Ты же, о Богомати, яко имущая державу непобедимую и Матернее о нас попечение, пред­вари на помощь к нам и от всяких бед избави зовущих Ти: Радуйся, Помощнице наша, Троеручною иконою Твоею нам помогающая.

 

Икос 1
Ангел земный и человек Не­бесный преподобный Иоанн Дамаскин от любве теплыя к Тебе, Богомати Владычице, икону Твою святую соорудити потщася и сию в келлии своей благоговейно по­ставив, пред нею сице Тебе в молитвах усердных глаголаше: Радуйся, радость вечную — Спасителя миру рождшая; Радуйся, всегубительнаго ада силу Рождеством Твоим поправ­шая. Радуйся, пророческих глаголов исполнение принесшая; Радуйся Адама и Евы преступ­ление загладившая. Радуйся, Единаго от Троицы на руку Твоею нетрудно носившая; Радуйся, Огнь Божества не­опально во чреве Твоем вместив­шая. Радуйся, Помощнице наша, Троеручною иконою Твоею нам помогающая.

 

Кондак 2
Видя преподобный Иоанн Дамаскин десницу свою, много пи­савшую в защиту чести и по­клонения святых икон, по навету царя иконоборца немилостиво отсеченную, испроси ю от невернаго мучителя и, приложив к усеченному ея составу, пред честною иконою Твоею, Пречистая Дево, слезно моляшеся Ти, о еже исцелитися ей. Ты же, Всеблагая и Всемощная рода нашего За­ступнице, молитву его скоро ус­лышала еси и, во сне представ ему, исцеление усеченной руце его даровала еси, да благодарст­венно поет Богу: Аллилуиа.

 

Икос 2
Разум человеческий не может постигнути силу исцелений бла­годатных, иконою Твоею, о Богомати, чудесно являемых, не может изъяснити и чудо велие, како отсеченная десница преподобнаго во едину нощь цела и здрава обретеся, на ней же ток­мо червленный знак бывшия яз­вы оставлен бысть Врачебницею Благою, слышащею от нас сия похвалы: Радуйся, скоро являющаяся Утешительнице скорбящих душ; Радуйся, Радостотворная Посе­тительнице болезнующих сердец. Радуйся, безнадежных стра­дальцев надеждою исцеления ободряющая; Радуйся, врачами оставленных болезнующих на свои руце при-емлющая. Радуйся, усеченную десницу Божия избранника целу и здраву вышеестественно соделавшая; Радуйся, яко ничтоже невоз­можно Тебе, Милосердая Пред­стательнице, нам всегда заступление показующая. Радуйся, Помощнице наша, Троеручною иконою Твоею нам помогающая.

 

Кондак 3
Силу десницы Всевышняго в исцелении усеченныя десницы своея познав богоглаголивый Иоанн, песньми красными воспе Тя, Владычице Всеблагая, и по­добие усеченныя руки Своея приложи к целебному Твоему образу ради памяти всегдашния о великом чудеси. Тем ныне видима есть и именуется сия святая икона Твоя Троеручица, тремя руками, на ней описанны­ми, проявляющая таинство Святыя Троицы, чудесы же, от Нея бывающими, всех приводящая хвалебно взывати ко Господу: Аллилуиа.

 

Икос 3
Имеяй велию ревность по Бозе, духоносный песнописец Святыя Церкве и Божественный славитель ея, сладкий преподобный Иоанн, хвалебными пении до конца жизни своея прославляше Твою к нему дивную милость, Богородительнице, в память же бывшаго чудесе плат, имже усе­ченная рука его обвернута бе, на главе своей ношаше, икону же Твою многоцелебную, яко насле­дие богатое, Святей Лавре пре-подобнаго Саввы Освященнаго по себе остави, да вси вернии зовут к изображенней на Ней Целительнице душ и телес сице: Радуйся, врагов святыя православныя веры крепкая поборнице; Радуйся, проповедников Евангельскаго учения покровитель­нице. Радуйся, благочестивых хри­стиан защите и похвало; Радуйся, боголюбивых иноков утешение. Радуйся, ведущим брань противу мира, плоти и диавола до­брая споспешнице; Радуйся, ревнующим о цело­мудрии и чистоте изрядная по­собнице. Радуйся, Помощнице наша, Троеручною иконою Твоею нам помогающая.

 

Кондак 4
Буря недоумения смущает ми ум, како возмогу недостойными усты воспети славу Твою, Пречи­стая Дево, юже во иконе Твоей святей явила еси, даровавши ю нам в помощь и защиту от враг видимых и невидимых. Темже, величая неисчетныя милости Твоя к роду христианскому, ис­поведую чудеса Твоя и смиренномудренно пою Вседержителю: Аллилуиа.

 

Икос 4
Слышавше иноцы Святыя Лав­ры Саввы Освященнаго о вели­ких добродетелях пришедшаго в Лавру на поклонение первосвятителя сербскаго Саввы, по вну­шению Твоему, Богомати, дароваша ему на благословение святую икону Твою Троеручицу, юже он со благоговением, яко дар многоценен, в страну Серб­скую принесе, поучая паству свою звати Тебе: Радуйся, от востока и до запа­да силу Всемогущества Христова иконою Твоею возвещающая; Радуйся, болезни душевныя и телесныя иконою Твоею скоро врачующая. Радуйся, Сербстей стране ико­ну Твою в залог благоволения даровавшая; Радуйся, чудесы Твоими Пра­вославие в ней крепко утвердив­шая. Радуйся, Симеона Мироточиваго область благодатно посетив­шая; Радуйся, Саввы первопрестольнаго паству Матерним Покровом Твоим приосенившая. Радуйся, Помощнице наша, Троеручною иконою Твоею нам помогающая.

 

Кондак 5
Боготечней звезде подобна явися икона Твоя, Богородительнице, по воли Твоей Святей на осля поставленная и отпущенная из Сербии, осляти никимже водиму, принесеся им на Гору Афонскую ко вратом обители Хилендарския, юже яко дар Небесный восприимше иноцы, по-ставиша в алтари соборныя церкве обители, зовуще во умиле­нии глубоцем благих Подателю Богу: Аллилуиа.

 

Икос 5
Видевше иноцы хилендарстии Твое к ним благоволение, Пре-благословенная Дево, в чудеснем пришествии к ним святыя иконы Твоея Троеручицы явленное, с радостию и любовию Ей поклоняхуся, целующе и песненно возглашающе Ти благохваления сицевая: Радуйся, путеводительнице по­движников благочестия к Горне­му Сиону; Радуйся, пустыннолюбивых иноков приводящая к Небесному Иерусалиму. Радуйся, безсловесное осля во­ли Твоей святей чудесно поко­рившая; Радуйся, на осли икону Твою благодатную от Сербии на Афон дивно принесшая. Радуйся, пустыню Афона бла­гоуханием святыни исполнившая; Радуйся, Хилендарскую оби­тель благоволением Твоим облагодатствовавшая. Радуйся, Помощнице наша, Троеручною иконою Твоею нам помогающая.

 

Кондак 6
Проповедует обитель Хилендарская на Афоне богатство ми­лостей и щедрот Твоих, Богоро­дице Дево, и светло красуется, имущи святую икону Твою Троеручицу во игумена себе, ибо таковая бысть воля Твоя, еже пребывати иконе Твоей тамо на игуменстем месте во храме Божием и в душах братии, от Тебе Единыя благословение на всякое послушание приемлющей и хва­лебно зовущей тако благоволив­шему о них Творцу: Аллилуиа.

 

Икос 6
Возвестила еси волю Твою, Богомати, иноком хилендарским, разногласием во избрании игуме­на смущенным, чудесно поста­вивши святую икону Твою на игуменстем месте во храме Божием и открывши единому от них в видении, яко Сама Ты хощеши пребывати настоятельствующею в обители их иконою Твоею Честною, и да прочее не избирают себе игумена. Они же во умилении Душ и сердец обрадованнии возопиша к Тебе: Радуйся, иноков благоподвизающихся Известная и Всемощная Покровительнице; Радуйся, к Сыну Твоему и Богу теплая о них Предстатель­нице. Радуйся, жезл игуменский в Хилендарстей обители невидимо приемшая; Радуйся, обитель сию доселе целу и благоустрбену сохраняю­щая. Радуйся, страхом и благогове­нием сердца братии, благослове­ние от иконы Твоея приемлю-щих, исполняющая; Радуйся, неблагоговейныя и дерзостныя грозно наказующая. Радуйся, Помощнице наша, Троеручною иконою Твоею нам помогающая.

 

Кондак 7
Хотя соделати не токмо Афон, но и все иныя страны православныя причастными благодати ве­ликих чудес, иконою Твоею Тро­еручною изливаемых и бываемых, Пречистая Владычице, тую во всех градех, весех, церквах и обителех иноческих распростра­нила и дивными чудесы просла­вила еси. Темже вся верная чада святую икону Твою Троеручицу любовию чествуют и на ней вкупе с Тобою изображенному Христу усердно зовут: Аллилуиа.

 

Икос 7
Дивно являеши, Преблагословенная Дево, милости верным людем и святою иконою Твоею Троеручицею преславныя чудеса содеваеши силою Благодати Христовы: слепыя просвещавши, разслабленныя укрепляеши, недужныя врачуеши и всем прибе­гающим к целебному Твоему об­разу скорую помощь Твою при­сно являеши, подвизающи звати к Тебе: Радуйся, Святую Гору Афон­скую в жребий Себе избравшая; Радуйся, и вся страны православныя покровом милости Твоея осенившая. Радуйся, Хилендарския обите­ли Настоятельнице неизменная; Радуйся, многих мест и пус­тынь сокровище исцелений не­оскудное. Радуйся, на Афоне, в России, Сербии и иных странах иконою Твоею преславно чудодействую­щая; Радуйся, любящия и чтущия Тя от всяких бед избавляющая. Радуйся, Помощнице наша, Троеручною иконою Твоею нам помогающая.

 

Кондак 8
Странно есть видети иноки хилендарския, к иконе Твоей яко к игумену приходящия и от Нея благословения на послушания своя приемлющия. Но, о Всебла­гая, якоже приемлеши их милостивно и благословляеши, тако и нас недостойных не лиши Матерняго Твоего милосердия и по­печения, приими благоутробно молитвы наша пред святою ико­ною Твоею возносимыя, осени нас благословением Твоим благо­датным, избави от всяких бед и скорбей и научи богоугодно пети Триединому Богу: Аллилуиа.

 

Икос 8
Весь мир преисполнен, яко звездами Богосветлыми, чудо­творными иконами Твоими, Бо­городице Дево, в нихже яко Ден­ница Лучезарная, икона Твоя Троеручица предивными чудесы благодатно сияет и согревает хладныя сердца наша знаменьми Твоего к нам милостиваго призрения. Сего ради чествуем Пречистаго Лика Твоего святое изо­бражение и Тебе пред ним во­пием: Радуйся, Богообрадованная и Пренепорочная Приснодево; Радуйся, Едина Чистая и Бла­гословенная в Женах. Радуйся, Нетленная и Неискусобрачная Агнца и Пастыря Мати; Радуйся, прекрасная и свето­носная палато святых Святейшаго Слова. Радуйся, крине белоснежный и благовонный девства и чистоты; Радуйся Царице и Владычице Небесе и земли. Радуйся, Помощнице наша, Троеручною иконою Твоею нам помогающая.

 

Кондак 9
Всяк возраст верных благопользуется Твоим Матерним попечением, Всеблагая Владычице. Младенцы милосердно окормляеши, отроки невидимо руководствуеши, мужи во благочестии утверждаеши, старцы в немощех укрепляеши, всем же вся благая и душеполезная даруеши все­сильным ходатайством Твоим у Престола Пресвятыя Троицы, Ейже благодарно поем: Аллилуиа.

 

Икос 9
Ветии человечестии не могут достойно восхвалити Тя, Богоро­дице, Честнейшую Херувим и Славнейшую Серафим, рождшую Единаго от Троицы Христа Жизнодавца. Мы же, любовию к Тебе воодушевленнии, смиренномудренно дерзаем приносити Те­бе песни таковыя: Радуйся, Державная Заступни­це рода христианскаго; Радуйся, Благосердая Мати всех скорбящих и обремененных. Радуйся, кротким сиянием Твоим мрак грехов и страстей наших разгоняющая; Радуйся, на стези покаяния нас премудро наставляющая. Радуйся, в грозный час смерти всем нам крепкая Защитнице; Радуйся, добраго ответа нам пред Судиею Праведным усерд­ная Ходатаице. Радуйся, Помощнице наша, Троеручною иконою Твоею нам помогающая.

 

Кондак 10
Спасения залог даровася нам святая и всечестная икона Твоя, Богородительнице Дево, ибо, якоже древле прорекла еси Божест­венному евангелисту Луце, с нею и доныне сила Твоя благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит, да зовем прославльшему имя Твое во Вселенней Царю Небесе и земли: Аллилуиа.

 

Икос 10
Стена еси девам и ликом ино­ческим, Богоневестная Дево, всем усердно к Тебе прибегающим, икону же Твою святую благого­вейно чествующим, ибо сию дарова нам благих Податель Гос­подь в помощь и врачевство недугом душевным и телесным и сим внушает пети Тебе: Радуйся, добрая Младопитательнице дев и безматерних си­рот; Радуйся, иноков и инокинь благоскорбящих Предводительни­це к наградам Небесным. Радуйся, в узах и темнице седящих посещающая утешением благодатным; Радуйся, благословение домов и супружеств благочестивых. Радуйся, юных наставнице це­ломудрия и воздержания. Радуйся, старцев приводящая к благому житию и мирней кон­чине. Радуйся, Помощнице наша, Троеручною иконою Твоею нам помогающая.

 

Кондак 11
Пение молебное наше, Тебе пред Пречистым образом Твоим с верою и любовию возносимое, милостивно услыши, Госпоже Всемилостивая, и сохрани нас от тлетворных учений неверия и суеверия, ими же наветуется в нас святоотеческая православная вера, избави нас от лукавых со­вращений, сохрани нас и Отече­ство наше от всяких крамол и от всяких нестроений и злых раз­вращений врагами веры и Отече­ства нашего воздвизаемых, и сподоби в любви и единомыслии со всеми верными чадами Святыя Христовы Церкве Богоприятно пети Создателю нашему: Аллилуиа.

 

Икос 11
Светоприемлемая свеща икона Твоя святая, Богородице Дево, мир весь сиянием чудес просвещает, сердца же наша любовию воспламеняет к Тебе, Пречистей и Преблагословенней Матери Сладчайшаго Господа нашего Иисуса Христа, даровавшаго нам Тебе в покров и защиту противу полчищ сатанинских, иже боятся и трепещут самаго имене Твоего, ведающе силу Твою, юже ве­личаем и Тебе зовем: Радуйся, враги наша видимыя и невидимыя премудро запинающая; Радуйся, хулителей святыя православныя веры невидимо ка­рающая. Радуйся, духов злобы от нас державно отгоняющая; Радуйся, преовладети им над нами не попускающая. Радуйся, любовию к Богу и ближним нас воодушевляющая; Радуйся, вся благая прошения наша скоро исполняющая. Радуйся, Помощнице наша, Троеручною иконою Твоею нам помогающая.

 

Кондак 12
Благодать свыше даровася свя­тей иконе Твоей Троеручице, Владычице Преблагая: скорбящия утешати, болящия исцеляти, слепыя просвещати, разслабленныя укрепляти, верныя во благоче­стии утверждати, неверныя к познанию истины приводити, знаменьми и чудесы от нея бываемыми, яже воистину превосходят разумение человеческое и токмо верою постигаются, приводяща верныя души к немолчному сла­вословию Творца, Богокрасною песнию: Аллилуиа.

 

Икос 12
Поем чудеса Твоя, благодатная Богородительнице, не таим щед­рот Твоих, исповедуем благодеяния Твоя, прославляем неисчетную милость Твою к роду хри­стианскому, юже велят вси концы земли, ибо от востока до запада хвально имя Твое святое, благо­словляемое от всех родов и в молитвах призываемое во всех странах. Тебе убо, сице прослав­ленней и превознесенной Сыном Твоим и Богом, и мы хвалебно вопием: Радуйся, тихое пристанище плавающих в пучине житейскаго моря; Радуйся, треволнение страстей умиротворяющая Своим сердобольным участием. Радуйся, во уныние и отчая­ние впадших подъемлющая на­деждою спасения; Радуйся, сомнениями в вере колеблющихся вразумляющая знаменьми и чудесы. Радуйся, в обителех иноческих подвизающимся богоугодно подательнице блаженнаго упо­коения; Радуйся, и в мире благочестно живущия не лишающая Твоего заступления. Радуйся, Помощнице наша, Троеручною иконою Твоею нам помогающая.

 

Кондак 13
О Всепетая Мати Сладчайшаго Искупителя нашего Господа Иисуса Христа! Вонми гласу молебному, Тебе пред святою ико­ною Твоею нами смиренно воз­носимому, и Матернею молит­вою Твоею к рождшемуся от Тебе Святых Святейшему Слову от всякия избави напасти и вечныя муки всех имя Твое молит­венно призывающих и о Тебе благодарно зовущих Богу: Аллилуиа.

(Этот кондак читается трижды, затем икос 1 и кондак 1)